ყაველაშვილმა უარი თქვა რუსული კანონის წინააღმდეგ ზურაბიშვილის საკონსტიტუციო სარჩელზე. რას ნიშნავს ეს?
რუსული კანონის წინააღმდეგ სარჩელი
“ქართული ოცნების” კოლეგიის მიერ არჩეულმა პრეზიდენტმა მიხეილ ყაველაშვილმა უარი თქვა აგენტების შესახებ რუსული კანონის წინააღმდეგ სალომე ზურაბიშვილის მიერ შეტანილ სარჩელზე. ეს ნიშნავს, რომ საკონსტიტუციო სასამართლოში საქმე შეწყდება.
- საკონსტიტუციო სასამართლო “აგენტების შესახებ“ კანონის შეჩერებასთან დაკავშირებული სარჩელის განხილვას იწყებს
- არასამთავრობო და მედია ორგანიზაციები ე.წ. რუსულ კანონს სტრასბურგის სასამართლოში გაასაჩივრებენ
„უცხოური გავლენის გამჭვირვალობის შესახებ“ საქართველოს კანონი ეფუძნება გამჭვირვალობასა და ანგარიშვალდებულებას, რაც ხელს უწყობს საქართველოს სახელმწიფოებრიობის უმთავრესი პრინციპის – სახელმწიფოს ეროვნული სუვერენიტეტის დაცვასა და ქვეყნის სტაბილურ განვითარებას.
კანონი ემსახურება საზოგადოების მაქსიმალურად ინფორმირებას უცხოური ძალის ინტერესების გამტარებელი ორგანიზაციების დაფინანსების წარმომავლობის შესახებ.
შესაბამისად, საქართველოს პრეზიდენტმა მიხეილ ყაველაშვილმა მიიღო საკონსტიტუციო სარჩელზე უარის თქმის გადაწყვეტილება“, – ნათქვამია განცხადებაში, რომელიც მიხეილ ყაველაშვილის ადმინისტრაციამ გაავრცელა.
საქართველოს მეხუთე პრეზიდენტის, სალომე ზურაბიშვილის სარჩელი რუსული კანონის წინააღმდეგ, საკონსტიტუციო სასამართლომ ნაწილობრივ განსახილველად 2024 წლის 9 ოქტომბერს მიიღო. მაშინ არ დაკმაყოფილდა მოსარჩელე მხარის შუამდგომლობა, საქმეზე საბოლოო გადაწყვეტილების მიღებამდე, სადავო ნორმების მოქმედების შეჩერების თაობაზე, თუმცა, სარჩელი განსახილველად დარჩა. სასამართლოს უნდა განეხილა კანონის შესაბამისობა კონსტიტუციის რიგ მუხლებთან.
რუსული კანონის წინააღმდეგ სარჩელი
