ქვემო ქართლის მედიები: ცესკო ეთნიკურ უმცირესობათა ენებზე საინფორმაციო აქტივობებს არ ატარებს

ქვემო ქართლის მედიები ცესკოზე

ცენტრალური საარჩევნო კომისია ეთნიკურ უმცირესობათა ენებზე საინფორმაციო აქტივობებს არ ატარებს, ცესკო კი არც ადგილობრივ მედიასაშუალებებთან თანამშრომლობს, ამის შესახებ ქვემო ქართლის მედიაორგანიზაციები – Aktual.ge, 24News.ge და Interpress.ge აცხადებენ.

მედიაორგანიზაციები ცესკოს მხრიდან დისკრიმინაციაზე საუბრობენ და მოუწოდებენ, უზრუნველყოს არჩევნებთან დაკავშირებული სიახლეების გავრცელება ადგილობრივი აზერბაიჯანელებისთვის და ითანამშრომლოს ადგილობრივ მედიაორგანიზაციებთან.

ISFED: ოცნების საარჩევნო კამპანიაში ჩართული პირები ამომრჩეველზე ზეწოლას ცდილობენ

“სამართლიანი არჩევნები” მოუწოდებს ამომრჩევლებს, არავის გადასცენ საკუთარი პირადობის დამადასტურებელი დოკუმენტი

მედიაორგანიზაციების განცხადება

“არჩევნებამდე დაახლოებით 10 დღე დარჩა, თუმცა ცენტრალური საარჩევნო კომისია (ცესკო) ეთნიკურ უმცირესობათა ენებზე საინფორმაციო აქტივობებს არ ატარებს. წელს არჩევნების 90%-ზე მეტი ელექტრონული ფორმით ჩატარდება, თუმცა რეგიონში ეთნიკური აზერბაიჯანელების დიდმა ნაწილმა აღნიშნული სიახლის შესახებ არ იცის და ამ თვალსაზრისით, ინფორმაციული მასალების პროპაგანდირება ჯერაც არ მიმდინარეობს. ასევე, მათი მხრიდან არც ადგილობრივ მედია ორგანიზაციებთან ხდება თანამშრომლობა.

გასული წლების განმავლობაში, ქვემო ქართლში ეთნიკურ აზერბაიჯანელთა ინფორმირების თვალსაზრისით ადგილობრივმა მედია ორგანიზაციებმა დიდი როლი შეასრულეს. დღეს აღნიშნული მედია ორგანიზაციები საქართველოს ათასობით აზერბაიჯანელს ყოველდღიურად აწვდიან ინფორმაციას ქვეყანაში მიმდინარე მოვლენების შესახებ, რაც ხელს უწყობს ინტეგრაციული პროცესების განვითარებას.

"საჯარო სექტორში დასაქმებულებს ოჯახის პირად მონაცემებს სთხოვენ" – სადამკვირვებლო კოალიცია გამოძიების დაწყებას ითხოვს

“მოსწავლეების მშობლებს პერსონალური მონაცემების შევსებას სთხოვენ”

აღსანიშნავია ისიც, რომ სწორედ მათთან თანამშრომლობს რამდენიმე ავტორიტეტული ორგანიზაცია და პოლიტიკური პარტია და სწორედ მათი მეშვეობით აცნობენ ადგილობრივ აზერბაიჯანულენოვან მოსახლეობას საარჩევნო კამპანიების შესახებ.

არჩევნების პროპაგანდა და საინფორმაციო კამპანიის წარმოება, მათ შორის ელექტრონული ხმის მიცემის შესახებ ინფორმაციის გავრცელება საქართველოს თითოეული მოქალაქისთვის ცესკო-ს ვალდებულებაა. თუმცა ის ამ ეტაპზე, ამ მხრივ მომუშავე, ადგილობრივ მედია ორგანიზაციებთან არ თანამშრომლობს.

ჩვენი დაკვირვებით, ცესკო მხოლოდ ცენტრალურ მედიებთან თანამშრომლობს. ამ სიტუაციას დისკრიმინაციად მივიჩნევთ და ცესკოს მოვუწოდებთ, რომ ითანამშრომლოს ადგილობრივ მედია ორგანიზაციებთან და უზრუნველყოს არჩევნებთან დაკავშირებული სიახლეების გავრცელება ადგილობრივი აზერბაიჯანელებისთვის.

OSCE/ODIHR: პარტიების უმრავლესობა განხეთქილების გამომწვევ რიტორიკასა და მასალას იყენებს

“საქართველოში წინასაარჩევნო პროცესი პოლარიზებულ გარემოში მიმდინარეობს”