კორონავირუსით ინფიცირებულთა რაოდენობა 252-მდე გაიზარდა საქართველოში

ბოლო 24 საათში საქართველოში covid-19-ით დაავადების  19 ახალი შემთხვევა გამოვლინდა.

12 აპრილის 10:00 საათისთვის, საქართველოში კორონავირუსით ინფიცირების 252 შემთხვევაა დადასტურებული. კარანტინის რეჟიმშია 4929ადამიანი, ხოლო სტაციონარში მეთვალყურეობის ქვეშ – 405 პირი. 

კორონავირუსით ინფიცირებულთაგან 60 გამოჯანმრთელდა და 3  გარდაიცვალა. 

უცხოეთიდან საქართველოში სამკურნალოდ გადმოყვანილია კორონავირუსით ინფიცირებული საქართველოს 3 მოქალაქე.

covid-19-ისგან გამოჯანმრთელდა ყველაზე მცირეწლოვანი პაციენტი საქართველოში. ის 2 წლის ბავშვია. გამოჯანმრთელებულთა შორის არის 2 ორსული ქალიც. 

კორონავირუსით ინფიცირების 6 ახალი შემთხვევა გამოვლინდა ქობულეთში. მათგან ერთი არასრულწლოვანია.

• საქართველოში საგანგებო რეჟიმი გამკაცრდა. რა უნდა ვიცოდეთ
• ახლობლები რომ მირეკავდნენ, ზოგს ეტირებოდა – რას ჰყვება კორონავირუსით ინფიცირებული სტუდენტი
• საქართველოში საყოველთაო კარანტინი ცხადდება
• საქართველოში კორონავირუსზე პაციენტის შემოწმების წესი შეიცვალა: ვის გაუკეთებენ ტესტს?

კორონავირუსით ინფიცირების პირველი შემთხვევა საქართველოში 2020 წლის 26 თებერვალს დადასტურდა. 21 მარტს ქვეყანაში საგანგებო მდგომარეობა ამოქმედდა, 31 მარტიდან კი – საყოველთაო კარანტინის რეჟიმი.