კორონავირუსის 508 ახალი შემთხვევა და ოთხი გარდაცვლილი საქართველოში

ბოლო 24 საათში საქართველოში კორონავირუსის 508 ახალი შემთხვევა გამოვლინდა. ეს 41-ით ნაკლებია, ვიდრე წინა დღით იყო.

ბოლო დღე-ღამის განმავლობაში გარდაიცვალა კიდევ 4 ინფიცირებული პაციენტი.

ამ დროისთვის აქტიური შემთხვევა არის 4518 – ანუ ამდენი ადამიანი მკურნალობს დღეს. აქედან 58 პაციენტს ექიმები აფასებენ როგორც კრიტიკულად მძიმეს.

მძიმე პაციენტებიდან რვა არის აფხაზეთის ოკუპირებული ტერიტორიიდან გადმოყვანილი.

საერთო ჯამში, ოფიციალური სტატისტიკა ამ დროისთვის ასე გამოიყურება:

● კორონავირუსის დადასტურებული შემთხვევა სულ – 9753
● მათ შორის გამოჯანმრთელებული – 5235
● მათ შორის გარდაცვლილი – 62
● კარანტინის რეჟიმში – 565
● სტაციონარში მეთვალყურეობის ქვეშ – 836
● კოვიდ სასტუმროში მყოფი პირები – 1230

კვლავ, შემთხვევების ნახევარზე მეტი აჭარაზე მოდის:

კორონავირუსის ახალი შემთხვევებიდან 259 აჭარას, 111 თბილისს, 91 იმერეთს, 24 სამეგრელო-ზემო სვანეთს, 8 გურიას, 5-5 ქვემო ქართლსა და მცხეთა-მთიანეთს, 2-2 კი შიდა ქართლსა და კახეთს უკავშირდება.