კორონავირუსით ინფიცირების 2 ახალი შემთხვევა გამოვლინდა საქართველოში
ბოლო 24 საათში საქართველოში კორონავირუსით ინფიცირების 2 ახალი შემთხვევა დადასტურდა, 6 კი გამოჯანმრთელდა.
22 ივნისის მონაცემებით, საქართველოში კორონავირუსით ინფიცირების 908 შემთხვევაა დადასტურებული. კარანტინის რეჟიმშია 2710 ადამიანი, ხოლო სტაციონარში მეთვალყურეობის ქვეშ – 269 პირი. კორონავირუსით ინფიცირებულთაგან 761 გამოჯანმრთელდა და 14 გარდაიცვალა.
კორონავირუსით ინფიცირებული 2 ადამიანიდან ერთ-ერთი ქუთაისის ინფექციურ საავადმყოფოში გადაიყვანეს. ინფიცირებული 41 წლის ქალია, რომელიც საქართველოში თურქეთიდან შემოვიდა და აქამდე საკარანტინე სივრცეში იმყოფებოდა.
- “მე კარანტინიდან გამოსვლა არ მინდა”: რატომ რჩებიან ადამიანები სახლში. შვიდი ამბავი
- თელავის ბაზარი და კორონავირუსი. VIDEO
კორონავირუსით ინფიცირების პირველი შემთხვევა საქართველოში 2020 წლის 26 თებერვალს დადასტურდა. კორონავირუსის პანდემიის შესაჩერებლად 21 მარტიდან 23 მაისამდე საქართველოში საგანგებო მდგომარეობა იყო გამოცხადებული.
კორონავირუსის პანდემიის გამო დაწესებული შეზღუდვების მოხსნის პირველი ეტაპი საქართველოში 27 აპრილიდან ამოქმედდა.15 ივნისიდან საქართველოში შიდა ტურიზმი განახლდა. 1 ივლისიდან კი ქვეყანა საზღვრების გახსნას და უცხოელი ტურისტების მიღებას გეგმავს.
