მეოთხე მცდელობა: ყარაბაღში ომის შეჩერებას, ახლა ირანი შეეცდება
„უახლოეს დღეებში, ირანი წარმოადგენს თავის ინიციატივას ყარაბაღის კონფლიქტის საბოლოო დარეგულირების შესახებ“, – განაცხადა ირანის საგარეო საქმეთა მინისტრმა ჯავად ზარიფმა, რის შესახებაც, ირანის სახელმწიფო საინფორმაციო სააგენტო irna.ir იტყობინება.
მინისტრის მოადგილე აბას არაქჩი ბაქოში 27 ოქტომბერს ჩადის. ამის შემდეგ, ის მოსკოვს, ერევანსა და ანკარას ესტუმრება. ვიზიტის მიზანი მათთვის „ირანის გეგმის“ გაცნობაა.
დარეგულირების გეგმის დეტალები ჯერჯერობით უცნობია. ირანის საგარეო საქმეთა მინისტრმა მხოლოდ აზერბაიჯანის ტერიტორიული მთლიანობის პატივისცემის გათვალისწინებით, კონფლიქტის მშვიდობიანი გზით დარეგულირების აუცილებლობის შესახებ განაცხადა, წერს თურქული სააგენტო „ანადოლუ“.
ყარაბაღში, 2020 წლის 27 სექტემბერს დაწყებული საბრძოლო მოქმედებების შემდეგ, ეუთოს მინსკის ჯგუფის თანათავმჯდომარეები – რუსეთი, საფრანგეთი და აშშ, შესაბამისი თანმიმდევრობით შეეცადნენ კონფლიქტის ზონაში ჰუმანიტარული ზავის გამოცხადებას. სამივე მცდელობა ჩავარდა.
• ზავი ყარაბაღში: მესამე ჰუმანიტარული შეთანხმებაც დაირღვა?
• კონფლიქტის ახალი მონაკვეთი აზერბაიჯანისა და სომხეთის საზღვარზე
