რამდენიმე დღით ადრე „გამოცხადებული“ ენერგეტიკული კოლაფსი აფხაზეთში საბოლოოდ დადგა – თუ ადრე ვსაუბრობდით გრაფიკზე, ახლა ელექტროენერგიის მიწოდების ახალ რეჟიმს ოფიციალურად უძახიან ჩაქრობას.
ეს ნიშნავს, რომ დღის განმავლობაში აფხაზეთის მასშტაბით დენი მხოლოდ 4 საათი და 40 წუთი იქნება. თუმცა ახლა 21:00-დან 7:00 საათამდე დენის უწყვეტ მიწოდებას გვპირდებიან.
ელექტროენერგიის დეფიციტი აფხაზეთში ჩვეულებრივ ზამთარში ხდება, როდესაც ერთადერთი ელექტროსადგურის, ენგურის ჰიდროელექტროსადგურის გამომუშავება მკვეთრად მცირდება.
ბოლო წლებში ეს “სეზონური კრიზისი“ გამწვავდა უკონტროლო მაინინგის გამო, რის შედეგადაც აფხაზეთში ელექტროენერგიის მთლიანი მოხმარება მესამედით გაიზარდა.
აფხაზეთი დაკარგულ ენერგიას რუსეთისგან იღებს. მანამდე ნაკადის ნაწილს შეღავათიან ფასად ყიდულობდა, ნაწილს კი სრულიად უფასოდ იღებდა სოციალურ-ეკონომიკური დახმარების ფარგლებში.
თუმცა, მას შემდეგ, რაც აფხაზეთმა არ შეასრულა მთელი რიგი ვალდებულებები, რომლებიც კრემლის წინაშე აიღო (კერძოდ, არ მიიღო კანონი, რომელიც რუსებს საცხოვრებელი უძრავი ქონების ყიდვის საშუალებას აძლევს), ეს “ჰუმანიტარული ნაკადი“ დასრულდა.
ახლა რუსეთი აფხაზეთს ელექტროენერგიას საბაზრო კურსით ყიდის – 4 რუბლს [დაახლოებით 0,04 აშშ დოლარი] კვტ/სთ-ში და სოხუმი ამის გადახდას ვერ ახერხებს.
ერთადერთი გამოსავალი არის პოლიტიკის შეცვლა, რასაც აფხაზეთის ხელისუფლება “აკეთებს” 1-ლი ნოემბრის შემდეგ: ჯერ ელექტროენერგია გათიშული იყო დღეში 4 საათით, შემდეგ 6 საათით, ახლა თითქმის 10-ით.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
