დღეს აფხაზეთში, ხანძრის შედეგად დაღუპული ხუთი ბავშვი დაკრძალეს

აფხაზეთში ხანძრის შედეგად ხუთი ბავშვი დაიღუპა

დღეს აფხაზეთში 5 იანვარს კერძო სახლში ხანძრის შედეგად დაღუპული ხუთი ბავშვი დაკრძალეს. ტრაგედიამ შოკში ჩააგდო მთელი აფხაზეთი და ათასობით ადამიანი, მათ შორის ე.წ. პრეზიდენტის მოვალეობის შემსრულებელი, ბადრა გუნბა დაესწრო დაკრძალვას. ხელისუფლებამ გლოვის დღე გამოაცხადა და დაზარალებულ ოჯახებს ყოვლისმომცველი დახმარება აღუთქვა.

გლოვა დღეს “ქართული ოცნების” ხელისუფლებამაც გამოაცხადა და დაღუპული გოგონების ოჯახებს მიუსამძიმრა.

მწუხარება გამოთქვეს აზერბაიჯანის საგარეო საქმეთა სამინისტრომ და თბილისში აშშ-ს, დიდი ბრიტანეთისა და საფრანგეთის საელჩოებმაც. გერმანიის საელჩომ ეროვნული დროშა დაუშვა.

უბედური შემთხვევის შედეგად გაჩენილი ხანძარი სოფელ საბერიაში, ჭოლარიების ოჯახის კუთვნილ სახლში გაჩნდა. გარდაცვლილი ბავშვები დები იყვნენ, 8 თვიდან 8 წლამდე.

როგორ დაიწვა აფხაზეთის ეროვნული მხატვრობის მთელი ფონდი ერთ ღამეში. რა იქნება ახლა?

ჩინოვნიკების დაუდევრობამ გადამწყვეტი როლი ითამაშა ეროვნულ სამხატვრო გალერეაში გაჩენილ ხანძარში, -ამბობენ ექსპერტები

როგორ გაჩნდა ხანძარი?

გარდაცვლილი გოგონების დედა ავად იყო და ხანძრის დროს მეზობელ ქალაქში გადიოდა მკურნალობას, მამა კი მის მოსანახულებლად დილით ადრე წავიდა. ბებია დარჩა ბავშვების მოსავლელად. მან გადაწყვიტა შეშის ღუმელი აენთო, მაგრამ დანთებისას ნავთი ბენზინს შეერია.

გაჩენილმა ხანძარმა მყისიერად მოიცვა ხის პატარა სახლი და იგი მთლიანად დაიწვა მანამ, სანამ ბებიამ და მის ყვირილზე მოვარდნილმა მეზობლები შეძლეს ოთახში შესვლა, სადაც ბავშვებს ეძინათ. როდესაც მეხანძრეები შემთხვევის ადგილზე 10 წუთის შემდეგ მივიდნენ, სახლი პრაქტიკულად დაფერფლილი იყო.

ბავშვების ბებია გადარჩა, მაგრამ მესამე ხარისხის დამწვრობა მიიღო. ქალი ამჟამად საავადმყოფოშია, მისი მდგომარეობა საშუალო სიმძიმისაა.

აფხაზეთის ხელისუფლება ჭოლარიას ოჯახს ყოველგვარ დახმარებას დაჰპირდა, ფსიქოლოგიურიდან მატერიალურით დამთავრებული. ასევე, მათთვის აშენდება ახალი სახლი.

სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო