ბრმა ტყვიამ ქალი იმსხვერპლა - იარაღიდან ნასვამი პოლიციელი ისროდა

გამოძიების ინფორმაციით, ბრალდებული, რომელიც შსს-ს თანამშრომელია, ნასვამი იყო და საკუთარი ბინის აივნიდან ცეცხლსასროლი იარაღიდან უმისამართოდ ისროდა. გასროლილი ტყვია მეზობელ კორპუსში, მე-7 სართულზე მცხოვრებ ქალს მოხვდა. ის საავადმყოფოში მიყვანამდე გარდაიცვალა. 

გარდაცვლილი მომღერალ თიკა მახალდიანის დედაა. 

შემთხვევა 19 აპრილს, ვაჟა-ფშაველას გამზირზე მოხდა. 

საქმეს პროკურატურა იძიებს. 

გამოძიების ინფორმაციით, შსს-ს თანამშრომლის საცხოვრებელი სახლის ჩხრეკისას ამოიღეს გასროლილი ტყვიის მასრები და ცეცხლსასროლი იარაღი. 

გამოძიება სისხლის სამართლის კოდექსის 116-ე მუხლით მიმდინარეობს, რაც გაუფრთხილებლობით სიცოცხლის მოსპობას გულისხმობს და ექვსი თვიდან ორ წლამდე შინაპატიმრობით, ან ორიდან ოთხ წლამდე თავისუფლების აღკვეთით ისჯება.