აფხაზეთი მოსკოვს აფხაზი დეპუტატებს მიმართ პატივისცემით მოპყრობას სთხოვს

აფხაზეთი მოსკოვს აფხაზ რუსმა მესაზღვრეებმა აფხაზები დააკავეს

მოსკოვიდან სამშობლოში დაბრუნებული აფხაზეთის საპარლამენტო დელეგაცია რუსმა მესაზღვრეებმა დააკავეს და საგულდაგულოდ შეამოწმეს.

სახელმწიფო სათათბიროში სახალხო ასამბლეის წარმომადგენლებმა რუს კოლეგებთან გამართეს კონსულტაციები იმ პრობლემებზე, რომლებიც წარმოიშვა ხელშეკრულების რატიფიცირების შესახებ, ცნობილი ბიჭვინთის სახელმწიფო აგარაკის რუსეთისთვის გადაცემასთან დაკავშირებით. აფხაზი დეპუტატები გამოვიდნენ მოხსენებით, რომ ამ დოკუმენტის რატიფიცირება შეუძლებელია, რადგან დოკუმენტში სერიოზული შეცდომაა.

საუბარია სახელმწიფო აგარაკის შეცდომით მითითებულ კოორდინატებზე, გარდა ამისა, მნიშვნელოვნად არის გადაჭარბებული სახელმწიფო აგარაკის საზღვაო შელფის ტერიტორია, რომელიც ასევე გადადის რუსეთის იურისდიქციაში. კიდევ ერთი ასპექტი, რომელიც დელეგაციის ხელმძღვანელის “სახალხო კრებიდან” ალხას ბარციცის განმარტებით „აბნევს მთელ ჩვენს მოსახლეობას“, არის ის, რომ კანონი იძლევა აგარაკის მესამე პირებისთვის გადაცემის შესაძლებლობას.

• ბიჭვინთის ცნობილი სახელმწიფო აგარაკი და 180 ჰექტარი ფიჭვნარი რუსეთის მფლობელობაში გადადის
• რუსეთი მუქარით ცდილობს წაართვას აფხაზეთს ბიჭვინთის ნაწილი, თბილისი კი დუმს. რატომ?
• რა ტერიტორიების და ობიექტების მიღება სურს რუსეთს აფხაზეთისგან. კომენტარი

სახელმწიფო სათათბიროში აფხაზური მხარე მიიწვიეს „განიხილოს ხელმოწერილი შეთანხმების რატიფიცირების შესაძლებლობა მისი ამჟამინდელი ფორმით – სახალხო კრების რეზოლუციის ერთდროული მიღებით, რომელიც დააფიქსირებს შეთანხმების დასრულებას, რაც ასევე გულისხმობს გადაცემული ტერიტორიის კოორდინატების კორექტირებას და მესამე პირისთვის გადაცემის შეუძლებლობის შესახებ პუნქტის დამატება.ს“. ანუ, მარტივად რომ ვთქვათ, შეთანხმების რატიფიცირება იმ შეცდომებთან ერთად და ამის პარალელურად, ცალკე დადგენილების მიღება, რომელიც ყველა ამ ხარვეზზე მიუთითებს.

აფხაზურმა დელეგაციამ ფაქტობრივად თავი აარიდა რუსი კოლეგების ამ შეთავაზებას და განაცხადა, რომ მათ სჭირდებოდათ დამატებითი კონსულტაციები იურისტებთან სოხუმში.

უკვე რუსეთ-აფხაზეთის საზღვარზე, ფსოუს პოსტზე დაბრუნებისთანავე, დეპუტატები დააკავეს რუსმა მესაზღვრეებმა და ისინი საფუძვლიანად გაჩხრიკეს.

მეორე დღეს, დაზარალებულებმა განცხადება გაავრცელეს და მიმართეს აფხაზეთის საგარეო საქმეთა მინისტრს ინალ არძინბას.

ამასთან დაკავშირებით საგარეო საქმეთა მინისტრმა რუსეთის ელჩ მიხეილ შურგალინთან შეხვედრა გამართა.

არძინბამ რუსეთის ელჩს განუცხადა, რომ დეპუტატების დაკავებასთან დაკავშირებული სიტუაცია არ არის ერთეული შემთხვევა, რადგან არაერთი საჩივარია აფხაზეთის მოქალაქეების მხრიდან იმის თაობაზე, რომ რუსეთ-აფხაზეთის საზღვრის გადაკვეთისას ისინი რუსი მესაზღვრეების მიერ ახსნა-განმარტების გარეშე დიდხანს იყვნენ დაკავებულები.

„ჩვენს სახალხო დეპუტატებსა და თანამოქალაქეებს ვთხოვთ პატივისცემით მოეპყრონ“, – განაცხადა ინალ არძინბამ.

ამასთან, არძინბამ განმარტა, რომ უახლოეს მომავალში რუსეთის საგარეო საქმეთა სამინისტროს გაეგზავნება ნოტა ამ ინციდენტებზე რეაგირების მოთხოვნით.

სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო