აფხაზურმა დელეგაციამ ორტეგას ინაუგურაციაში მიიღო მონაწილეობა

აფხაზეთის სამთავრობო დელეგაციამ,  საგარეო საქმეთა მინისტრის დაურ კოვეს მეთაურობით, მონაწილეობა მიიღო ნიკარაგუას პრეზიდენტის დანიელ ორტეგას ინაუგურაციის ცერემონიაში, რომელიც 11 იანვარს მანაგუას ცენტრალურ მოედანზე შედგა. ვიზიტის ფარგლებში დელეგაციამ ასევე გამართა შეხვედრები რესპუბლიკის რიგი სამინისტროების ხელმძღვანელებთან. აფხაზური დელეგაცია შეხვდა ნიკარაგუას საგარეო საქმეთა მინისტრ სანტოს ლოპესს.

გარადა ამისა, როგორც თავად დაურ კოვე ფეისბუკის საკუთარ გვრდზე იუწყება, აფხაზური დელეგაციის პროგრამა ფრიად დატვირთული იყო: „ გაიმართა შეხვედრები სხვადასხვა სამინინისტროებისა და უწყებების წარმომადგენელ კოლეგებთან, და ასევე პრეზიდენტის ადმინისტრაციის წევრებთან. განვიხილეთ ჩვენი ორმხრივი თანამშრომლობის საკითხები. ყველაფერს აუცილებლად გიამბობთ და გიჩვენებთ“.

აფხაზურ ბლოგოსფეროში აფხაზეთის საგარეო პოლიტიკური უწყების ხელმძღვანელის ნიკარაგუაში ვიზიტი აღიქვეს  ლათინური ამერიკის მიმართულებით სოხუმის გააქტიურების ახლა ფაზად. საგარეო საქმეთა მინისტრის თანამდებობაზე კოვეს წინამორბედის, ვიაჩესლავ ჩირიკბას დროს, რომელიც აფხზეთის საგარეო საქმეთა სამინისტროს 2011 წლიდან 2016 წლამდე ხემძღვანელობდა – საგარეო კონტაქტების განვითარების თვალსზრისით, ყურადღება უფრო ევროპაზე იყო გამახვილებული.

ხოლო, ლათინურ ამერიკას, რომელშიც ნიკარაგუას გარდა, აფხაზეთის დამოუკიდებლობას ვენესუელაც აღიარებს, მხოლოდ ყურადღების ნარჩენები ეთმობოდა. ჩირიკბას ხუთწლიანი საგარეო საქმეთა მინისტრად ყოფნის განმავლობაში, ის ერთხელაც არ ჩასულა ლათინური ამერიკის ქვეყნებში. მეტიც, ვენესუელას პრეზიდენტის უგო ჩავესის დასაფლავებაზეც კი, ოფიციალური სოხუმის წარმომადგენლობა დასამშვიდობებელ ცერემონიაზე ვენესუელაში აფხაზეთის ელჩის დასწრებით შემოიფარგლა, რამაც რასაკვირველია, საგარეო სქმეთა სამინისტროს მკვეთრი კრიტიკა გამოიწვია აფხაზეთშივე.

სტატიაში გამოთქმული მოსაზრებები, ტერმინები და პოზიცია მთლიანად ავტორს ეკუთვნის და, შესაძლოა, რედაქციის აზრს არ ემთხვეოდეს