აფხაზეთში კორონავირუსით ინფიცირებული აღარ ჰყავთ
აფხაზეთში, 3 ივნისს, საავადმყოფოდან კორონავირუსით ინფიცირებული ბოლო პაციენტები გაწერეს. აფხაზეთში ახლა, ოფიციალურად COVID-19-ით ინფიცირებული ადამიანი აღარ ჰყავთ.
მიუხედავად ამისა, საგანგებო მდგომარეობის რეჟიმი 15 ივნისამდე შენარჩუნდება. პირველ რიგში ეს ეხება ე.წ. საზღვრებს, რომლებიც ჩაკეტილი იქნება, როგორც გამსვლელთათვის, ისე შემომსვლელთათვის.
სულ, აფხაზეთში, ინფიცირების 28 შემთხვევა დაფიქსირდა. მათგან 27 პაციენტი გამოჯანმრთელდა, ერთი, 95 წლის ქალი კი გარდაიცვალა.
- აფხაზეთმა ქართულ მხარეს გადასასვლელი ისევ ჩაკეტა
- კორონავირუსის ქრონიკა კავკასიაში: სტატისტიკა, ფაქტები და ისტორიები
- აფხაზეთის ახალი პრეზიდენტის გამოწვევები
რუსულ ტურისტულ ვებგვერდებზე, აფხაზეთში, სასტუმროებსა და სანატორიუმებში ნომრების დაჯავშნა უკვე მაისის შუიდან იყო შესაძლებელი, რადგან ელოდნენ, რომ 1 ივნისიდან საგანგებო მდგომარეობა დასრულდებოდა და საზღვრები გაიხსნებოდა.
დაჯავშნა უფასოდ ხდებოდა და ეს წინათგრძნობა გამართლდა, ყოველ შემთხვევაში, ჯერჯერობით.
აფხაზეთის მოსახლეობის უმრავლესობისთვის – ტურისტები – შემოსავლის ერთადერთი წყაროა. თუმცა, სოციალური ქსელების რეაქციიდან გამომდინარე თუ ვიმსჯელებთ, უმრავლესობა თანახმა იყო საკურორტო სეზონის ჩაგდებაზე, რათა არ გაიხსნას საზღვრები და არ დაუშვან კორონავირუსის აფეთქება.
ტიპური კომენტარი:
“ჩვენ უნდა ამოვირჩიოთ: ან რუს ტურისტებზე უნდა გამოვიმუშაოთ ფული და გავრისკოთ პანდემიის მასობრივი აფეთქება – ან მოვიჭიროთ ქამრები და საზღვრები ჩაკეტილი დავტოვოთ”.