კორონავირუსი კავკასიაში. დღე-ღამეში, 19 გარდაცვლილი სომხეთში და 517 ახალი შემთხვევა. დაღესტანში, 5G ანძის დაწვით იმუქრებიან
Live
-
სტატისტიკა: ავადმყოფი, მკვდარი, გამოჯანმრთელებული - აზერბაიჯანი, სომხეთი, საქართველო
-
დღე-ღამეში, 19 გარდაცვლილი სომხეთში და 517 ახალი შემთხვევა, მაგრამ მკაცრი საკარანტინო ზომები მოსალოდნელი არ არის
-
სომხეთში, დღე-ღამეში, 8 ადამიანი გარდაიცვალა, დაინფიცირდა პრემიერ-მინისტრი
-
საქართველოში, ინფექციის ახალი კერა - თბილისის ცენტრში, საბურთალოს რაიონშია
-
სტატისტიკა: ავადმყოფი, მკვდარი, გამოჯანმრთელებული - აზერბაიჯანი, სომხეთი, საქართველო
-
მილიონ მოსახლეზე ინფიცირებულთა რაოდენობით, სომხეთმა ირანსა და საფრანგეთს გადაუსწრო და რუსეთს გაუთანაბრდა
-
დაღესტანში, აპროტესტებენ და 5G ანძის დაწვით იმუქრებიან - მოსახლეობის ნაწილის აზრით, მათი დაინფიცირება და „დაჩიპვა“ სურთ
-
კავკასიაში, კორონავირუსის პანდემიასთან დაკავშირებული წინა მოვლენების ქრონიკა
-
სტატისტიკა: ავადმყოფი, მკვდარი, გამოჯანმრთელებული - აზერბაიჯანი, სომხეთი, საქართველო
აზერბაიჯანი სომხეთი საქართველო ახალი ინფიცირებულები 248 517 11 სულ ინფიცირებულები 5 494 10 009 794 ახალი გარდაცვლილები o +19 0 გარდაცვლილები 63 158 12 გამოჯანმრთელებულები 3 428 3 427 624 -
დღე-ღამეში, 19 გარდაცვლილი სომხეთში და 517 ახალი შემთხვევა, მაგრამ მკაცრი საკარანტინო ზომები მოსალოდნელი არ არის
პანდემიის დაწყებიდან, ქვეყანაში, 158 ადამიანი გარდაიცვალა.
გასული 24 საათის განმავლობაში, მხოლოდ 25 ადამიანი გამოჯანმრთელდა, ინფიცირებულთა რიცხვი კი 517-ით გაიზარდა.
ამავდროულად, როგორც პრემიერ-მინისტრმა, ნიკოლ ფაშინიანმა განაცხადა, ქვეყანაში მკაცრი საკარანტინო შეზღუდვების დაბრუნება მოსალოდნელი არ არის.
თავად პრემიერი ინფიცირებულია, ამის შესახებ მან სოციალურ ქსელში, 1 ივნისს, საკუთარ დაბადების დღეს განაცხადა. მაგრამ ფაშინიანის შემთხვევაში, დაავადება სიმპტომების გარეშე მიმდინარეობს და ის მუშაობას ჩვეულებრივ რეჟიმში აგრძელებს.
სომხეთის პრემიერ-მინისტრი და მთელი მისი ოჯახი კორონავირუსით დაინფიცირდა
-
სომხეთში, დღე-ღამეში, 8 ადამიანი გარდაიცვალა, დაინფიცირდა პრემიერ-მინისტრი
სომხეთში, კორონავირუსით უკვე 139 ადამიანი გარდაიცვალა.
უკანასკნელი დღე-ღამის განმავლობაში, 120 ახალი შემთხვევა გამოვლინდა.
საერთო ჯამში, უკვე 9 402 ადამიანი დაინფიცირდა. მათგან 3 402 გამოჯანმრთელდა და გაეწერა საავადმყოფოდან.
• სომხეთის პრემიერ-მინისტრი და მთელი მისი ოჯახი დაინფიცირდა
კორონავირუსთან ბრძოლის ზომები სომხეთში
სომხეთში, საგანგებო მდგომარეობა 13 ივნისამდე მოქმედებს.
მაგრამ უკვე მოიხსნა შეზღუდვები გადაადგილებაზე და გაიხსნა თითქმის ყველა ბიზნესი: საწარმოები, მაღაზიები, საპარიკმახეროები, მუზეუმები.
18 მაისიდან მუშაობა დაიწყო საზოგადოებრივმა ტრანსპორტმა. მას საგულდაგულო დეზინფექცია უტარდება. ყველა მგზავრი ვალდებულია ტრანსპორტში ნიღაბი ატაროს.
-
საქართველოში, ინფექციის ახალი კერა - თბილისის ცენტრში, საბურთალოს რაიონშია
საქართველოში, კორონავირუსით ინფიცირების 11 ახალი შემთხვევა გამოვლინდა, სულ – 794.
მათგან გამოჯანმრთელდა 624 ადამიანი, 12 პაციენტი გარდაიცვალა.
საქართველოში, ერთ კვირაზე მეტი ხნის განმავლობაში, ახალი შემთხვევების მინიმალური რაოდენობა ფიქსირდებოდა, მაგრამ უკანასკნელი ორი დღის განმავლობაში – 37 ადამიანი დაემატა. მაისის დასაწყისიდან ინფექცია კონკრეტულ კერებში – კლასტერებში ვლინდება, როგორც მათ საქართველოში მოიხსენიებენ.
პირველად, დიდი ხნის შემდეგ, 31 მაისს, ახალი კლასტერი გამოვლინდა, თბილისის ერთ-ერთ ცენტრალურ უბანში, საბურთალოში. იქ, საერთო ჯამში, უკვე 23 შემთხვევა დადასტურდა.
საქართველოში, საგანგებო მდგომარეობა ორ თვეზე მეტხანს გაგრძელდა და 23 მაისიდან მოიხსნა. უკვე ამუშავდა ყველა ბიზნესი და საზოგადოებრივი ტრანსპორტი. 8 ივნისს დაიწყებს მუშაობას მატარებლები და საქალაქთაშორისო ტრანსპორტი. 1 ივლისიდან საქართველო გარკვეული ქვეყნებიდან ჩამოსული ტურისტებისთვის საზღვრების ნაწილობრივ გახსნას გეგმავს.
-
სტატისტიკა: ავადმყოფი, მკვდარი, გამოჯანმრთელებული - აზერბაიჯანი, სომხეთი, საქართველო
აზერბაიჯანი სომხეთი საქართველო ახალი ინფიცირებულები 257 251 13 სულ ინფიცირებულები 5 246 8 927 757 ახალი გარდაცვლილები +3 +7 0 გარდაცვლილები 61 127 12 გამოჯანმრთელებულები 3 327 3 317 600 -
მილიონ მოსახლეზე ინფიცირებულთა რაოდენობით, სომხეთმა ირანსა და საფრანგეთს გადაუსწრო და რუსეთს გაუთანაბრდა
სომხეთში, გასული დღე-ღამის განმავლობაში, 7 ადამიანი გარდაიცვალა, სულ – 127.
ინფიცირების 251 ახალი შემთხვევა დაფიქსირდა, სულ პანდემიის დაწყებიდან – 8 927.
3 317 ინფიცირებული გამოჯანმრთელდა და გაეწერა საავადმყოფოდან.
პრემიერ-მინისტრმა ნიკოლ ფაშინიანმა დაადასტურა, რომ სიტუაციის გაუარესება გრძელდება.
«თუკი ინფიცირების ტემპი შენარჩუნდა, ქვეყანა მივა რიცხვამდე, რომელიც იტალიას ჰქონდა. მთავარი პრობლემა იმაში მდგომარეობს, რომ ადამიანები არ ასრულებენ ეპიდემიის საწინააღმდეგო მოთხოვნებს», – განაცხადა ფაშინიანმა.
• ინფიცირებულთა რაოდენობა იზრდება და ეს პიკი არ არის. რა ხდება სომხეთში?
-
დაღესტანში, აპროტესტებენ და 5G ანძის დაწვით იმუქრებიან - მოსახლეობის ნაწილის აზრით, მათი დაინფიცირება და „დაჩიპვა“ სურთ
დაღესტანში, სოფელ ახალი ჩირკეის მცხოვრებლებმა საპროტესტო აქცია გამართეს და ცოტა ხნის წინ დამონტაჟებული ანძის მოხსნა მოითხოვეს.
„ჩვენ სოფელში, ხომალდების აგებასა და სამეცნიერო აღმოჩენების გაკეთებას არ აპირებენ, აქ კოსმოსთან კავშირი და მაღალსიჩქარიანი ინტერნეტი საჭირო არ არის. ჩვენი „დაჩიპვის“ უფლებას არ მივცემთ. ახალი ანძის გამოსხივება ჯანმრთელობას ვნებს. აქ ბავშვები არიან, ჩვენ მეორე ჩერნობილი არ გვჭირდება. თუკი ჩვენ მოთხოვნებს არ გაითვალისწინებენ, თვითონ დავწვავთ ამ ანძას“.
ვიდეოს მხარი დაუჭირა ასობით ადამიანმა. მაგრამ მას ბევრი ირონიული კომენტარიც მოჰყვა.
„გადაყარეთ მობილური, ტელევიზორი, ავტომობილი, ელექტროობა, იყიდეთ ცხენი, ხარი და გუთანი. და, არ დადგეთ ვიდეოკამერის წინ – ეშმაკი სულს მოგტაცებთ!“.
ჯერჯერობით ხელისუფლებას კომენტარები არ გაუკეთებია.
დაღესტანში, კრიტიკული ვითარებაა კორონავირუსითა და პნევმონიით ინფიცირებულთა და გარდაცვლილთა რაოდენობის მხრივ. ერთი დღე-ღამის განმავლობაში, 50 ადამიანი დაიღუპა, სულ, პანდემიის დაწყებიდან – 201. ამ მაჩვენებლით, დაღესტანი მესამე ადგილზეა რუსეთში და მხოლოდ მოსკოვსა და მოსკოვის ოლქს ჩამორჩება.
17 მაისს, ხელისუფლებამ განაცხადა, რომ პნევმონიით 700-ზე მეტი ადამიანი გარდაიცვალა. თუმცა, მედიკოსები და აქტივისტები საკუთარ გამოძიებას ატარებენ და ამტკიცებენ, რომ მთელი ეს სტატისტიკა ფალსიფიცირებულია და სინამდვილეში, ინფიცირებულთა და გარდაცვლილთა რიცხვი გაცილებით მაღალია.
-
კავკასიაში, კორონავირუსის პანდემიასთან დაკავშირებული წინა მოვლენების ქრონიკა
