ყველაზე მნიშვნელოვანი პრობლემები: უმუშევრობა, ფასების ზრდა, სიღარიბე - Edison Research-ის კვლევის მიგნებები

Edison Research-ის კვლევა

Edison Research-ის ახალი კვლევის თანახმად, მოსახლეობის 47% მიიჩნევს, რომ ყველაზე მნიშვნელოვანი პრობლემა, რომლის წინაშეც დგას დღეს საქართველო არის უმუშევრობა, 45% ფასების ზრდას ასახელებს, 43% კი სიღარიბეს.

საზოგადოებრივი აზრის გამოკითხვა ტელეკომპანია “ფორმულას” დაკვეთით ავტორიტეტულმა საერთაშორისო კვლევითმა კომპანიამ Edison Research-მა ჩაატარა.

კვლევის ფარგლებში, პირისპირი გამოკითხვის მეთოდით, ქვეყნის მასშტაბით შემთხვევითი შერჩევით გამოიკითხა საქართველოში მცხოვრები 1000 საარჩევნო უფლების მქონე 18 წლისა და მეტი ასაკის ადამიანი.

ცდომილება არის +/- 3%, 95%-იანი სანდოობის დონისთვის. საველე სამუშაოები მიმდინარეობდა 2023 წლის 20 ოქტომბერი 6 ნოემბრის პერიოდში.

თქვენი აზრით, რომელია ყველაზე მნიშვნელოვანი პრობლემა?

კითხვაზე, თქვენი აზრით, რომელია ყველაზე მნიშვნელოვანი პრობლემა, რომლის წინაშეც დგას დღეს საქართველო (რამდენიმე პასუხი), პასუხები ასე გადანაწილდა:

• უმუშევრობა – 47%
• ფასების ზრდა – 45%
• სიღარიბე – 43%
• ოკუპირებული ტერიტორიები – 25%
• ემიგრაცია – 19%
• განათლება – 18%
• ნარკოტიკების უკანონო მოხმარება/გავრცელება – 15%
• ჯანდაცვა – 13%
• რუსების მიგრაცია საქართველოში – 13%
• ომი უკრაინაში – 8%
• ევროინტეგრაცია – 8%
• კორუფცია – 8%
• კრიმინალი – 7%
• გარემოს დაცვის პრობლემები – 3%

ევროკავშირში გაწევრიანებას მხარს 86% უჭერს

კვლევის თანახმად, მოსახლეობის 86% მხარს უჭერს ევროკავშირში გაწევრიანებას, 14% კი წინააღმდეგია. კითხვაზე: რა არის ის მთავარი მიზეზი, რის გამოც დაუჭერთ მხარს ევროკავშირში გაწევრიანებას, პასუხები ასე გადანაწილდა:

• ქვეყნის უსაფრთხოების გაზრდის გამო – 47%
• ეკონომიკური სარგებლის მიღების გამო – 30%
• დემოკრატიის განვითარების გამო – 14%
• საქართველოს ევროპული იდენტობის გამყარების გამო – 9%

● საქართველოს პრეზიდენტი: გავხსნით ორბელიანების სასახლეს – ჩვენი ხმა ევროპას
● ევროკომისია რეკომენდაციას იძლევა, საქართველოს კანდიდატის სტატუსი მიენიჭოს. რა დათქმები მიიღო ქვეყანამ
● მოსახლეობის 90% მხარს უჭერს ევროკავშირში გაწევრიანებას – Edison Research-ის კვლევის მთავარი მიგნებები

პოლიტიკური რეიტინგები

კითხვაზე, დღეს რომ საპარლამენტო არჩევნები ტარდებოდეს, რომელ პარტიას მისცემდით ხმას, პასუხები ასე ნაწილდება – ალოკაციით, შეწონვის მეთოდით:

• ქართული ოცნება – 37%
• ნაციონალური მოძრაობა/სტრატეგია აღმაშენებელი – 21%
• საქართველოსთვის – 9%
• ლელო – 5%
• გირჩი/დროა – 4%
• ლეიბორისტული პარტია – 4%
• ხალხისთვის – 4%
• გირჩი (იაგო ხვიჩია) – 4%
• ალტ-ინფო – 3%
• ხალხის ძალა – 3%
• მოქალაქეები – 3%
• პატრიოტთა ალიანსი – 3%
• ევროპული საქართველო – 1%
• სხვა – 1%

ალოკაცია – ნიშნავს მეთოდს, რომლითაც მკვლევრები სხვა კითხვებზე მიღებული პასუხებიდან გამომდინარე ვარაუდობენ, თუ ვის მისცემენ ხმას რესპონდენტები, რომლებიც არ პასუხობენ კითხვას, თუ ვის უჭერენ მხარს.

მოსახლეობის 80% საპარლამენტო არჩევნებში მონაწილეობას “ნამდვილად აპირებს”

Edison Research-ის კვლევის თანახმად, მოსახლეობის 80% 2024 წლის საპარლამენტო არჩევნებში მონაწილეობას “ნამდვილად აპირებს”. კითხვაზე, რამდენად სავარაუდოა, რომ მონაწილეობას მიიღებთ 2024 წლის საპარლამენტო არჩევნებში, პასუხები ასე გადანაწილდა:

• ნამდვილად მივიღებ მონაწილეობას – 80%
• ალბათ მივიღებ მონაწილეობას – 13%
• ალბათ არ მივიღებ მონაწილეობას – 3%
• ნამდვილად არ მივიღებ მონაწილეობას – 4%

მოსახლეობის 60% ფიქრობს, რომ ქვეყანა არასწორი მიმართულებით ვითარდება

Edison Research-ის კვლევის თანახმად, მოსახლეობის 60%-ს მიაჩნია, რომ ქვეყანა არასწორი მიმართულებით ვითარდება. 40% კი მიიჩნევს, რომ ქვეყანა სწორი მიმართულებით ვითარდება.

მოსახლეობის 68%-ს პარლამენტში მმართველად ახალი პარტია(ები) ურჩევნია

საზოგადოებრივი აზრის გამოკითხვის შედეგებით, მოსახლეობის უმრავლესობას, 68%-ს პარლამენტში მმართველად ახალი პარტია(ები) ურჩევნია. კითხვაზე, გსურთ, რომ ქართული ოცნება დარჩეს უმრავლესობაში თუ გირჩევნიათ, რომ ახალი პარტია (ები) იხილოთ პარლამენტის მმართველის როლში, პასუხები ასე გადანაწილდა:

• ახალი პარტია(ები) პარლამენტის მმართველის როლში – 68%
• ქართული ოცნება დარჩეს უმრავლესობაში – 32%

აღსანიშნავია, რომ სექტემბერში ჩატარებული Edison Research-ის საზოგადოებრივი აზრის გამოკითხვის შედეგებით, მოსახლეობის 67%-ს პარლამენტში მმართველად ახალი პარტია(ები), 33%-ს კი უმრავლესობაში ქართული ოცნების დარჩენა ერჩივნა.

● რა სჭირს ქართულ ოპოზიციას?

მოსახლეობის 56% ფიქრობს, რომ პრეზიდენტმა მიხეილ სააკაშვილი უნდა შეიწყალოს

Edison Research-ის საზოგადოებრივი აზრის გამოკითხვის შედეგებით, მოსახლეობის 56% ფიქრობს, რომ პრეზიდენტმა მიხეილ სააკაშვილი უნდა შეიწყალოს, 44% კი ფიქრობს, რომ ზურაბიშვილმა მიხეილ სააკაშვილი არ უნდა შეიწყალოს.

● სახალხო დამცველის კონსილიუმი: სააკაშვილი მჭიდრო სამედიცინო მეთვალყურეობას საჭიროებს