აპრილიდან ივნისამდე საქართველოს საზღვარი ყველაზე მეტჯერ რუსეთის მოქალაქეებმა გადმოკვეთეს
რუსები საქართველოს საზღვარზე
შინაგან საქმეთა სამინისტროს ცნობით, 2023 წლის მეორე კვარტალში (აპრილ-ივნისში) საქართველოს საზღვარი 4 918 036-ჯერ გადმოიკვეთა (შემოსვლა+გასვლა). აღრიცხული მოქალაქეებიდან 30% საქართველოს, ხოლო 70% უცხო ქვეყნის მოქალაქეა, მათ შორის ყველაზე მეტი რუსეთის მოქალაქეა – 443 624 ადამიანი.
საზღვრის კვეთის რაოდენობის მიხედვით სტატისტიკაში რუსეთის შემდეგ თურქეთია 413 127 შემომსვლელით, მას მოსდევს სომხეთი (285 403) და ევროკავშირის ქვეყნები (119 855).
აპრილ-ივნისში საქართველოში შემომსვლელთა საერთო რაოდენობა 1 754 992 იყო, მათგან 1 092 903 ადამიანი ქვეყანაში 24 საათზე მეტი ხნით დარჩა, ხოლო 257 872-მა მოქალაქემ საქართველოს ტერიტორია ტრანზიტისთვის გამოიყენა.
მეორე კვარტალში ქვეყნიდან საქართველოს 746 734 მოქალაქე გავიდა, ხოლო იმავე პერიოდში ქვეყანაში საქართველოს 732 743 მოქალაქე შემოვიდა.
● ერთი წელი ემიგრაციაში. როგორ მოეწყვნენ საქართველოში და რას აპირებენ ემიგრანტი რუსები
● TI: უკრაინაში ომის დაწყების შემდეგ, რუსეთის მოქალაქეები საქართველოში თვეში საშუალოდ 1300 კომპანიას არეგისტრირებენ
● “სანამ ჩვენ ვსწავლობთ, ისინი ფუძნდებიან” – საზღვაო სეზონი “ოკუპირებულ” ბათუმში
● პირდაპირი ფრენები საქართველოსა და რუსეთს შორის ვლადიმირ პუტინის 10 მაისის გადაწყვეტილებით აღდგა.
● საქართველოს პრეზიდენტის, სამოქალაქო საზოგადოების, ოპოზიციის და დასავლელი პარტნიორების პროტესტის მიუხედავად, საქართველოს მთავრობა პუტინის ამ ინიციატივას შეუერთდა. პუტინის განცხადებიდან რამდენიმე დღეში, 20 მაისს, მთავარმა ეროვნულმა ავიაგადამზიდმა “ჯორჯიან ეარვეისმა” მოსკოვის მიმართულებით პირველი რეისი განახორციელა. საქართველოს პრეზიდენტმა სალომე ზურაბიშვილმა ამის გამო “ჯორჯიან ეარვეისს” ბოიკოტი გამოუცხადა.
● 1 ივლისს უკრაინამ სანქციების ახალი პაკეტი მიიღო. სანქცირებულთა სიაში ასევე აღმოჩნდა რუსულ და ბელარუსულ კომპანიებთან ერთად ქართული ავიაკომპანია Georgian Airways, რომელსაც სანქციები 10 წლით დაუწესდა. განკარგულების თანახმად, გადამზიდავის წინააღმდეგ მიღებული ზომები მოიცავს აქტივების გაყინვას, ასევე უკრაინის ტერიტორიაზე ფრენების სრულ აკრძალვას.
