97-მდე გაიზარდა COVID-19-ით დაავადებულთა რაოდენობა საქართველოში

ბოლო 24 საათის განმავლობაში საქართველოში კორონავირუსით ინფიცირების  7 ახალი შემთხვევა გამოვლინდა. 

30 მარტის 10:00 საათისთვის, საქართველოში კორონავირუსით ინფიცირების 97 შემთხვევაა დადასტურებული. 

კარანტინის რეჟიმშია 4876 ადამიანი, ხოლო სტაციონარში მეთვალყურეობის ქვეშ – 264 პირი.

კორონავირუსით ინფიცირებულთაგან 18 გამოჯანმრთელდა. მათგან 2 ბავშვია.

კორონავირუსით  დაინფიცირების ბოლო 7 ახალი შემთხვევიდან ერთ-ერთი დიდ ბრიტანეთში მოგზაურობას უკავშირდება. ეპიდემიოლოგები ამჟამად იმ  ადამიანების სიას ადგენენ, ვისთანაც ინფიცირებულს ახლო კონტაქტები ჰქონდა. 

კორონავირუსისთვის დამახასიათებელი სიმპტომებით ზუგდიდის ინფექციურ საავადმყოფოშია გადაყვანილი გალში მცხოვრები 50 წლის ქალი, რომელიც ოკუპირებულ აფხაზეთში მოსკოვიდან ჩავიდა. 

ის ამჟამად თავს კარგად გრძნობს.  მას ანალიზები გვიან ღამით აუღეს და ტესტის პასუხი დღის ბოლოს იქნება მზად.

• რას ნიშნავს საგანგებო მდგომარეობა – რისი უფლება გვაქვს და რისი არა
• მარნეული და ბოლნისი დაიკეტა
• მარნეული ეპიდაფეთქების მოლოდინში. რა ხდება დახურულ ქალაქში
• აფხაზეთი კორონავირუსს მოუმზადებელი ხვდება
• 15 კილომეტრი ბავშვებითა და ჯვრებით კორონავირუსის წინააღმდეგ – მარში აფხაზეთში, ვიდეო

კორონავირუსის პანდემიის შეჩერების მიზნით საქართველოში 21 მარტს საგანგებო ვითარება გამოცხადდა, 23 მარტს კი კორონავირუსის შიდა გავრცელების გამო მარნეული და ბოლნისი დაიკეტა. კორონავირუსის გავრცელების მაღალი რისკის გამო 29 მარტიდან საგანგებო მდგომარეობა გამკაცრდა სამეგრელო-ზემო სვანეთშიც.