95 ათასი მსურველი და მხოლოდ 300 ვაკანსია: გერმანიაში დასაქმების მსურველთა რიცხვი იზრდება

დღეის მდგომარეობით, გერმანიაში სეზონური დასაქმების პლატფორმაზე 95,000-ზე მეტი აპლიკანტი დარეგისტრირდა.

BMG-ის დასაქმების ხელშეწყობის სახელმწიფო სააგენტოში განუცხადეს, რომ თავად გერმანული მხარის მიერ ამ დროისთვის მხოლოდ 300 ვაკანსიაა გათვალისწინებული.

უწყებაში ასევე ამბობენ, რომ მომავალში გერმანული მხრიდან ვაკანსიების რაოდენობის “მნიშვნელოვან მატებას” ელიან, თუმცა კონკრეტულ რიცხვი ამ ეტაპზე ცნობილი არ არის.

დღეის მდგომარეობით, თითოეულ ვაკანსიაზე არსებული კონკურსი 315 ადამიანს აღემატება.

______________________________

● საქართველოს მოქალაქეები გერმანიაში სეზონურ სამუშაოზე დასაქმებას ლეგალურად შეძლებენ
● იანვრის თვეში საქართველოს ეკონომიკა 11.5 პროცენტით შემცირდა
● ისტორიული ვარდნა: 1994 წლის შემდეგ საქართველოს ეკონომიკა ყველაზე მეტად 2020 წელს შემცირდა

___________________________________

საქართველოს მოქალაქეებს 1-ლი აპრილიდან შეეძლებათ ლეგალურად წავიდნენ გერმანიაში და იქ დროებით, სეზონურ სამუშაოებზე დასაქმდნენ.

როგორც საქართველოში გერმანიის ელჩი ამბობს, საქართველო არის პირველი ქვეყანა, ვისთანაც გერმანიამ აღნიშნული მიმართულებით მუშაობა დაიწყო.

სეზონური სამუშაოებისთვის კონკრეტულად სოფლის მეურნეობის სექტორია გათვალისწინებული.

ანუ საქართველოს მოქალაქეები ძირითადად, სხვადასხვა სეზონური მოსავლის აღებაში მიიღებენ მონაწილეობას.

პროგრამის მიხედვით, დასაქმების ხანგრძლივობა და პირობები რეგლამენტირებულია: საქართველოს მოქალაქეები გერმანიაში ერთიდან სამ თვემდე დაჰყოფენ, კვირაში ხუთი ან ექვსი დღე იმუშავებენ. სამუშაო დღის ხანგრძლივობა 8-10 საათი იქნება.

მინიმალური ხელფასი კი, საათში 9.50 ევრო (დარიცხული). ამ თანხას გამოაკლდება გადასახადები, კვებისა და საცხოვრებლის ხარჯები.

სამუშაოს მაძიებელმა პირველადი რეგისტრაცია უნდა გაიაროს პორტალზე workabroad.gov.ge.