ცხრა თვეში საქართველოში ელექტროენერგიის გამომუშავება 31 პროცენტით გაიზარდა
ელექტროენერგიის გამომუშავება გაიზარდა
ბოლო ცხრა თვეში საქართველოში ელექტროენერგიის გამომუშავება 31 პროცენტით გაიზარდა. რაც შეეხება პირველ და მეორე კვარტალს, საქართველოს ჰიდროელექტროსადგურებმა დაახლოებით 7 მილიონი კილოვატსაათი ელექტროენერგია გამოიმუშავეს. ამის შესახებ ინფორმაციას კომპანია ISET ავრცელებს.
ენერგეტიკოსების აზრით, ზამთრის მოახლოებასთან ერთად, არსებობს მოლოდინი, რომ ქვეყანას ელექტროენერგიის დიდი რაოდენობით იმპორტი არ დასჭირდება.
ენერგეტიკოსი გია არაბიძე “ბიზნესფორმულას” ეუბნება, რომ წლევანდელი წელი ენერგეტიკული ბალანსისთვისაც საკმაოდ კარგი იქნება და საერთო ბალანსში იმპორტის წილი 10-12 პროცენტს არ გადააჭარბებს.
რაც შეეხება ელექტროენერგიის ექსპორტს:
● 2022 წლის იანვარ-სექტემბერში საქართველომ რეკორდული რაოდენობის ელექტროენერგია გაყიდა.
● საქსტატის მონაცემებით, 9 თვეში ექსპორტზე 84 მლნ 339 ათასი დოლარის ელექტროენერგიაა გატანილი, რაც გასული წლის ანალოგიური პერიოდის მაჩვენებელს 468 პროცენტით აღემატება.
● მთავარი საექსპორტო ბაზარი თურქეთია.
● ელექტროენერგიის ექსპორტის საშუალო წლიური ფასი პირველ კვარტალში 16.4 პროცენტით გაიზარდა [იანგარიშება დოლარში].
● ხოლო მეორე კვარტალში რეკორდული 171 პროცენტიანი ზრდა დაფიქსირდა.
● მეორე კვარტლის მონაცემებით, ელექტროენერგიის ფასი 10 თეთრიდან 25 თეთრამდე გაიზარდა.
● თბილი საბანი და ცირკი სახლში – როგორ გადააქვთ აფხაზეთის მცხოვრებლებს უშუქობა
● საქართველოში 17 000-მდე რუსული კომპანიაა და მათი უმეტესობა ომის შემდეგ დარეგისტრირდა – TI
● საქართველოში ორნიშნა ინფლაციაა. რა გაძვირდა და ვინ გაღარიბდა ყველაზე მეტად
აღსანიშნავია, რომ იანვარ-სექტემბრის ჯამური მონაცემებით, საქართველომ ელექტროენერგიის იმპორტში 34.7 მილიონი დოლარი დახარჯა, თუმცა აგვისტოსა და სექტემბერში საქართველოში ელექტროენერგიის იმპორტი არ განხორციელებულა.
ელექტროენერგია მთლიან ექსპორტში 2.1 პროცენტიანი წილით 10 უმსხვილეს საექსპორტო საქონელს შორისაა და საქართველოს ელექტროენერგიით ვაჭრობაში დადებითი ბალანსი აქვს.