აზერბაიჯანში დამოუკიდებელი საინფორმაციო სააგენტო "ტურანის" წინააღმდეგ სისხლის სამართლის საქმე აღიძრა

აზერბაიჯანის გადასახადების სამინისტროსთან არსებული საგადასახადო დანაშაულების წინასწარი გამოძიების დეპარტამენტმა საინფორმაციო სააგენტო Turan-ის მიმართ სისხლის სამართლის საქმე აღძრა და წინასწარი გამოძიება დაიწყო.

ადრე ლოკალური შემოსავლების დეპარტამენტმა სააგენტო “ტურანისთვის” 2014 წლიდან მიღებული 27 ათასი მანათის ( დაახლოებით 16 ათასი დოლარი) ოდენობის შემოსავლის გამო, დამატებითი გადასახადის მიწერა დაადგინა, ხოლო დამატებით საპროცენტო დავალიანებასთან ერთად – 37 ათას მანათზე მეტის ( 27 ათას დოლარზე მეტი).

ორივე დეპარტამენტმა სააგენტოსგან მთელი საგადასახადო დოკუმენტაცია მოითხოვა (შესაბამისად 5 და 15 დღის ვადაში).

სააგენტოს”ტურანის” დორექტორი მეჰმან ალიევი კატეგორიულად უარყოფს საგადასახადო ორგანოების მტკიცებას სააგენტოს მიერ შემოსავლების რაოდენობის განგებ შემცირების შესახებ, და დაწყებულ შემოწმებებს კანონსაწინააღმდეგოდ და მიკერძოებულად მიიჩნევს. ამასთან დაკავშირებით სააგენტო “ტურანმა” გადასახადების სამინისტროს ორივე დეპარტამენტს სასამართლოში უჩივლა. სასამართლოში სააგენტოს უფლებებს ცნობილი ადვოკატი ფუად აგაევი იცავს.

“სიჩქარე, რომელიც საშინელი სამართლებრივ ნიჰილიზმის ზღვარზე იყო, და ზემდგომი ორგანოსა და მისი გადაწყვეტილებისადმი აშკარა დაუმორჩილებლობას ავლენდა, ასევე კონსტიტუციის საგადასახადო კოდექსის უგულებელყოფა, შესაძლოა იმის ნიშანიც იყოს, რომ ეს ქმედებები და გადაწყვეტილებები შეკვეთის ხასიათს ატარებს, რაც სააგენტო “ტურანის”, როგორც მასობრივი საინფორმაციო საშუალების, საქმიანობისთვის ხელის შეშლისა და მისი მუშაობის პარალიზებისკენაა მიმართული… ამ ეჭვს ორი დეპარტამენტის სინქრონული ქმედებები და აშკარად დაუსაბუთებლად აღძრული სისხლის სამართლის საქმეც აძლიერებს”, ნათქვამია სააგენტო “ტურანის” განცხადებაში

ალიევის სიტყვებით, სააგენტო ბოლო წლებში შემოსავლების გარეშე მუშაობს. “აზერბაიჯანში სარეკლამო ბაზარი მკაფიოდ კონტროლდება და დამოუკიდებელ მასობრივ საინფორმაციო საშუალებებს რეკლამები პრაქტიკულად არ გააჩნიათ. ჩვენი შემოსავლები ხელმომწერთა შენატანებით ივსება – ძირითადად არასამთავრობო ორგანიზაციების, უცხოური მასობრივი საინფორმაციო საშუალებებისა და კერძო კომპანიების, უცხოური საელჩოების, რიგი ადგილობრივი კერძო და სახელმწიფო დაწესებულების, და ა.შ. ეს სახსრები ტელესაკომუნიკაციო და კომუნალური ხარჯების დაფარვასა და თანამშრომლებისთვის ხელფასის გადახდას ძლივს ჰყოფნის, შემოსავალზე კი ლაპარაკიც ზედმეტია. გარდა ამისა, ჩვენ პირწმინდად ვიხდით ყველა გადასახადს. მათ შორის – (თანამშრომელთა) საშემოსავლო გადასახადს, და ვფარავთ აუცილებელი სოციალური დაზღვევის ხარჯებს”, – ციტირებს ალიევის სიტყვებს “კავკაზსკი უზელი”.