ინფორმაცია ჟურნალისტებისთვის: ვეძებთ საინტერესო ისტორიებს და ავტორებს ეკონომიკის თემებზე სამუშაოდ

ვეძებთ ჟურნალისტებს თანამშრომლობისთვის

JAMnews-ი და ჩვენი მედია-პარტნიორი, გერმანული ორგანიზაცია N-ost პროექტისთვის Spheres of Influence Uncovered ვეძებს საინტერესო ისტორიებს ტრანსასაზღვრო, ქვეყანათაშორისი მედია პროექტებისთვის.

თემა უნდა შეეხებოდეს ისეთ ეკონომიკურ საკითხებს, რომლებიც მნიშვნელოვანია როგორც ქვეყნის შიგნით და ასევე, აქვს გლობალური გავლენაც.

სტატიები, რომლებსაც ჩვენ ამ პროექტის ფარგლებში მოვამზადებთ, ორიენტირებული უნდა იყოს ეკონომიკურ თემეზე. მაგალითად, საქართველოში ჩინეთის, რუსეთის თუ ევროკავშირის ეკონომიკური გავლენა.

გთხოვთ, გამოგვიგზავნოთ თქვენი pitch აქ. განაცხადების მიღება გაგრძელდება 2024 წლის 28 იანვრის ჩათვლით. ჩვენ ველით ამბებზე, ისტორიებზე ორიენტირებულ იდეებს, რომლებიც საქართველოს და რომელიმე სხვა ქვეყნის ეკონომიკურ კავშირებსა და ურთიერთობას შეეხება. გვინდა ტრანსასაზღვრო რთული ეკონომიკური საკითხები ხელმისაწვდომი გავხადოთ ფართო აუდიტორიისთვის.

განცხადებების მიღება 2024 წლის 28 იანვრის ჩათვლით გაგრძელდება. არჩეული ისტორიების საფუძველზე მომზადდება სტატიები.

Spheres of Influence Uncovered არის ტრანსსასაზღვრო მედია პროექტი, რომელიც მიზნად ისახავს ეკონომიკურ და გეოპოლიტიკურ საკითხებზე საჯარო დისკუსიის სტიმულირებას და გაფართოებას ჩვენი პროექტის ქვეყნებში: ბოსნია და ჰერცეგოვინა, საქართველო, მონტენეგრო, ჩრდილოეთ მაკედონია, სერბეთი, ტაჯიკეთი და უზბეკეთი. ამისათვის ჩვენ ფინანსურად და პროფესიულად ვუჭერთ მხარს ჟურნალისტების მუშაობას, რომლებიც დაინტერესებულნი არიან წერონ შესაბამის თემებზე.

თუ თქვენ გაქვთ ამბავი უცხოური ინვესტიციების ან სხვა გავლენიანი ეკონომიკური თანამშრომლობის შესახებ – მაგალითად, რუსული ინვესტიციების და შრომის ბაზარზე გავლენის შესახებ, ან ევროკავშირისა და ჩინეთის კონკურენციის შესახებ კრიტიკული წიაღისეულის უზრუნველსაყოფად – მოგვწერეთ.

ჰონორარის სახით გათვალისწინებულია 800 ევრომდე ერთ ავტორზე, სიუჟეტის სირთულის, ხარჯებისა და სამუშაოს მიხედვით. ეს ყველაფერი განისაზღვრება ინდივიდუალურად, სამუშაოს დაწყებამდე. გაითვალისწინეთ, რომ უმაღლეს ჰონორარს მიიღებენ გამოძიების ავტორები, რაც შეეხება ანალიტიკურ სტატიებს, აქ ჰონორარი უფრო მოკრძალებულია.

Spheres of Influence Uncovered არის ჟურნალისტური პროექტი. ჩვენ ხელს ვუწყობთ ამბებზე, ფაქტებზე დაფუძნებულ სტატიებს, რომლებიც რთულ ეკონომიკურ საკითხებს ფართო აუდიტორიისთვის ხელმისაწვდომს ხდის.

განსაკუთრებით გვაინტერესებს ისტორიები, რომლებსაც აქვთ ტრანსსასაზღვრო პოტენციალი – ანუ ორი ან რამდენიმე ქვეყნის ჟურნალისტის თანამშრომლებაა აუცილებელი. ჩვენ დაგეხმარებით სხვა ქვეყნების ჟურნალისტთან დაკავშირებაში. განსაკუთრებით მისასალმებელია იდეები, რომლებიც ჩვენს პროექტში შემავალი ქვეყნების ჟურნალისტების ურთიერთთანამშრომლობას გულისხმობს.

ჩვენ ასევე გვაინტერესებს მულტიმედიური ისტორიები (გთხოვთ, თავისუფლად მოგვწეროთ ვიდეოსიუჟეტის იდეა), ასევე მონაცემებზე ორიენტირებული ისტორიები.

ზოგადი კომუნიკაცია ძირითადად ინგლისურ ენაზეა, ინგლისური საჭიროა ტრანსსასაზღვრო ისტორიებისთვის, თუმცა გთხოვთ, თავისუფლად მოგვწეროთ იმ შემთხვევაშიც კი, თუ მხოლოდ პროექტის ქვეყნების რომელიმე ენას ფლობთ (ქართული, სერბული, რუსული, უზბეკური და ა.შ.)

ამ პროექტის ფარგლებში ჩვენი პარტნიორები არიან Anhor – ცენტრალურ აზიაში, Balkan Insight – ბაკლანეთში და JAMnews – საქართველოსა და კავკასიაში. თქვენი ნაშრომები სწორედ ამ მედია-პლატფორმებზე გამოქვეყნდება, თუმცა ჩვენ ასევე ღია ვართ, თუკი თქვენ ასევე თქვენს მედიასაშუალებაში გამოაქყნებთ ნაშრომს.

2024 წლის შემოდგომაზე, Spheres of Influence Uncovered უმასპინძლებს ღონისძიებას სამარკანდში, უზბეკეთი, სადაც მოწვეულნი იქნებიან ამ პროექტის ყველაზე აქტიური მონაწილეები. მათ შორის შეიძლება იყოთ თქვენც.

გამოაგზავნეთ თქვენი pitch ანუ თქვენი ჟურნალისტური ნაშრომის იდეა ამ ბმულის გამოყენებით.

შეგახსენებთ, რომ განცხადებების გამოგზავნა შეგიძლიათ 2024 წლის 28 იანვრის ჩათვლით.