ვლადიმერ პუტინი, რუსეთის ფედერაციის პრეზიდენტია 2012 წლის მაისიდან. მანამდე, ის ამ თანამდებობას 1999 წლის დეკემბრიდან 2008 წლის მაისის ჩათვლით იკავებდა. საპრეზიდენტო ვადებს შორის შუალედში, ის რუსეთის მთავრობის მეთაური იყო.
ვლადიმერ პუტინი 1952 წლის 7 ოქტომბერს, საბჭოთა კავშირში, ქალაქ ლენინგრადში დაიბადა.
1977 წლიდან სსრკ-ის კონტრდაზვერვის სისტემაში მუშაობდა. 1985-დან 1990 წლამდე მუშაობდა გდრ-ში, საბჭოთა დაზვერვის რეზიდენტურაში. პუტინის “საფარი” ქალაქ დრეზდენში, სსრკ-სა და გდრ-ის მეგობრობის სახლის დირექტორობა იყო.
მან კგბ-ში სამსახურს 1991 წლის აგვისტოში, პოლკოვნიკის რანგში დაანება თავი.
