თოჯინები, კბილის პასტები და მაცივრები - სოციალურად დაუცველმა ოჯახებმა "გალფისგან" საჩუქრები მიიღეს

150-მდე სოციალურად დაუცველი ოჯახის ბავშვებმა კომპანია “გალფისგან”  სურსათი, საოჯახო ტექნიკა, საყოფაცხოვრებო ნივთები და სათამაშოები მიიღეს.

კომპანიამ მთელი ქვეყნის მასშტაბით რამდენიმე სატვირთო მანქანა გაგზავნა საჩუქრების დასარიგებლად.

ქველმოქმედებაში მონაწილეობდა ყველა, ვინც დეკემბრის ბოლოს  “გალფში” საწვავი ჩაასხა და გალფ-კლუბის ბარათით ისარგებლა. თითოეული შეძენილი ლიტრიდან კომპანიამ სამი თეთრი საქველმოქმედო ფონდში გადაირიცხა. თანხის შეგროვების პროცესი რომ გამჭვირვალე და საინტერესო ყოფილიყო, შეიქმნა სპეციალური ვებ-გვერდი  www.bavshvebistvis.com, სადაც ლაივ რეჟიმში ყველას შეეძლო თვალი ედევნებინა, როგორ გროვდებოდა ფული.

გარდა ამისა, “გალფის” ავტოგასამართ სადგურებზე დადგეს სპეციალური დიდი ყუთები წარწერით  #ბავშვებისთვის.  აქ  მსურველებს შეეძლოთ სათამაშოების, ტანსაცმლის, არამალფუჭებადი პროდუქტების დატოვება.

საბოლოო ჯამში, ამ კამპანიის შედეგად საახალწლოდ 85 ათასი ლარი მოგროვდა. უკვე თებერვალში დატვირთული მანქანები ადრესატებამდე მივიდნენ.

სულ “გალფის” მანქანა მთელი საქართველოს მასშტაბით 150 სოციალურად დაუცველ ოჯახამდე მივიდა. მათ შორის ბევრი დევნილი ოჯახია.

ამ ვიდეოში “გალფი” საქაშეთის დევნილთა დასახლებაში არიგებს საჩუქრებს.