გაფიცვის პარალელურად სტუდენტურმა მოძრაობებმა რამდენიმე უნივერსიტეტის ფოიე დაიკავეს. VIDEO
სტუდენტების პროტესტი
საქართველოში საყოველთაო გაფიცვის პარალელურად სტუდენტურმა მოძრაობებმა რამდენიმე უნივერსიტეტის ფოიე და აუდიტორიები დაიკავეს დაიკავეს. ისინი უკანონო პატიმრების გათავისუფლებას და ხელახალ არჩევნებს ითხოვენ.
უნივერსიტეტებს შორის არიან:
● ბათუმის სახელმწიფო უნივერსიტეტი
● ილიას სახელმწიფო უნივერსიტეტი
● თბილისის სამხატვრო აკადემია
● ბათუმის ხელოვნების სახელმწიფო უნივერსიტეტი
● საქართველოს ეროვნული უნივერსიტეტი
ამასთან, პროტესტს შეუერთდნენ ფრიუნის და აგრუნის სტუდენტები – მათი განცხადებით, იმისდა მიუხედავად, რომ თავისუფალი და აგრარული უნივერსიტეტები არ უზღუდავენ საკუთარი აზრის გამოხატვას, ეს მათ არ აძლევს “მოდუნების” უფლებას.
“ჩვენ გვჯერა, რომ სტუდენტების ძალა ერთობაშია და მუდამ, საერთო ქმედებებით, გავაპროტესტებთ უსამართლობასა და ძალადობას”. – ამბობენ სტუდენტები.
ბათუმის სახელმწიფო უნივერსიტეტის სტუდენტების განცხადება:
ილიაუნის სტუდენტური მოძრაობის განცხადება:
სამხატვრო აკადემიის გაფიცული სტუდენტების განცხადება:
ფრიუნის და აგრუნის სტუდენტური მოძრაობის განცხადება:
15 იანვარს საქართველოში ლოზუნგით – “იფიცება საქართველო!“ დამსაქმებლებისა და დასაქმებულების ნაწილი გაიფიცა.
საყოველთაო გამაფრთხილებელი გაფიცვა 15:00 საათზე დაიწყო და სამი საათის განმავლობაში გაგრძელდა. მას შეუერთდნენ კომპანიები, უნივერსიტეტები, კვების ობიექტები თუ სხვა ბიზნესჯგუფები, მათ შორის ისინი, რომლებიც თავისუფალი ბიზნესების საერთო განცხადებას არ შეუერთდნენ, სადაც პატიმრების გათავისუფლებას და ახალ არჩევნებს ითხოვენ.
შესაბამისად, გაფიცვას შეუერთდნენ ხელისუფლებისადმი ლოიალურად განწყობილი თიბისი ბანკის, ბანკი რესპუბლიკის, ლიბერთი ბანკის, ვისოლ ჯგუფის და სხვა ბიზნესის თანამშრომლებიც.
