„სექენდ-ჰენდში“ ნაპოვნი საპატარძლო კაბა და ცხოვრება რეგიონში - მსახიობი ცოლ-ქმარი ახალციხიდან. VIDEO

ლექსო ჩემიამ და ანი ხუბუტიამ ერთმანეთი ფსიქიატრიულ საავადმყოფოში გაიცნეს – ანი ფსიქოლოგი იყო, პრაქტიკანტი, ლექსო მსახიობი და მეგობართან ერთად, სპექტაკლის დადგმას გეგმავდა.

სამ წელიწადში მარტვილში, ერთ-ერთი სოფლის პატარა მონასტერში, მარტვილის “სექენდ ჰენდში” ნაყიდი საპატარძლო კაბით დაიწერეს ჯვარი.

მალევე, ლექსო ახალციხეში, მესხეთის თეატრში მიიწვიეს, ანიც თან გაჰყვა. დროებით როლზე მიწვეული ლექსო მესხეთში სამუდამოდ დარჩა, ანიმ ფსიქოლოგობა მიატოვა და ისიც მსახიობი გახდა. 7 წელი თეატრშივე, ერთ პატარა ოთხში ცხოვრობდნენ.

გაიცანით მსახიობი ცოლ-ქმარი ახალციხიდან