საქართველოში უკრაინის დასახმარებლად საქველმოქმედო საიტი, UKRAINA.GE ამუშავდა

საქველმოქმედო საიტი UKRAINA.GE

საქართველოში უკრაინის დასახმარებლად საქველმოქმედო საიტი, UKRAINA.GE ამუშავდა. საიტის დამფუძნებლები სამი არასამთავრობო ორგანიზაციის და საგამოძიებო ბიუროს, ასევე მედია საკონსულტაციო ჯგუფის წევრები არიან.

აღნიშნული საიტის მეშვეობით, მოქალაქეებს საშუალება ექნებათ, მიზნობრივი დახმარება გაუწიონ უკრაინელ ხალხს. პრეზენტაციას უკრაინის საელჩოს წარმომადგენლებიც ესწრებოდნენ. 

“საიტის საშუალებით, ჩვენ ვაპირებთ დავაკავშიროთ დონორები და მოხალისეები მათთან, ვისაც დახმარება სჭირდება; ჩვენ მოგაწვდით ინფორმაციას ახალი ინიციატივების შესახებ და გაგაცნობთ, თუ როგორ მუშაობს თქვენი შემოწირულება უკრაინელი ხალხის გამარჯვებისთვის.

დღემდე თანხობრივი და მატერიალური შემოწირულებების სახით ჩვენ შევძელით 1 181 400 ლარის მობილიზაცია და ეს, ქველმოქმედი ადამიანების გარეშე არასდროს მოხდებოდა. გვსურს მადლობა გადავუხადოთ მათ, ვინც უკვე გააკეთა შემოწირულებები და აქტიურობისკენ მოვუწოდოთ მათ, ვისაც დახმარების სურვილი გაუჩნდებათ მომავალში.” – აღნიშნავენ ორგანიზატორები.

● “მამაც უკრაინას ქართველებისგან” – თბილისიდან უკრაინაში სამასზე მეტი გენერატორი გაიგზავნა
● საქართველოში 17 000-მდე რუსული კომპანიაა და მათი უმეტესობა ომის შემდეგ დარეგისტრირდა – TI
● კარასინმა შეაქო საქართველოს ხელისუფლება უკრაინის საკითხზე “გაწონასწორებული” პოზიციისთვის