რუსეთი მობილიზებულების გარდაცვალებაში თავად დაზარალებულებს ადანაშაულებს
ნოვაია გაზეტას მასალებზე დაყრდნობით. სტატიის სრული ვერსია შეგიძლიათ იხილოთ აქ
უკრაინის შეიარაღებულმა ძალებმა (ЗСУ) სარაკეტო შეტევა მიიტანა მაკეევკაში მობილიზებულ რუსებზე. მსხვერპლი დიდია – ათობით (ან შესაძლოა ასობით) დაღუპული. რუსეთის თავდაცვის სამინისტროს პოზიცია კი ასეთია: მობილიზებულები თავად არიან დამნაშავეები.
გარდაცვლილებისთვის დაბრალებული
რუსეთის თავდაცვის სამინისტრომ ოფიციალური ინფორმაციით უკვე დაადასტურა ზარალის დიდი რაოდენობა – ნანგრევების ქვეშ მოყოლილი 89 დაღუპული. მათ შორის არის პოლკის მეთაურის მოადგილე, ლეიტენანტ-პოლკოვნიკი ბაჩურინი.
შემთხვევის გარემოებებს იძიებენ, თუმცა დამნაშავეები თავდაცვის სამინისტროში უკვე იპოვეს – ისინი თავად დაშავებული სამხედროები აღმოჩნდნენ, რომლებმაც, სამინისტროს განცხადებით, საკუთარ თავს მისცეს უფლება, სადღესასწაულო ღამეს „აკრძალვის მიუხედავად, მობილური ტელეფონები ჩაერთოთ”, რამაც შესაძლებელი გახადა, თავდაცვის სამინისტროს გენერლების თქმით, უკრაინელებს მათი კოორდინატები გაეგოთ და სარაკეტო იერიში მიეტანათ.
დაბომბვის დროს შენობაში მყოფი ადამიანების ზუსტი რაოდენობა და მსხვერპლი, როგორც ჩანს, ჯერჯერობით უცნობია. უკრაინის შეიარაღებული ძალების სტრატეგიული კომუნიკაციების დეპარტამენტში აცხადებენ, რომ რუსული ჯარების ლოკაციაზე თავდასხმის შედეგად 400-მდე მობილიზებული დაიღუპა, 300-მდე კი დაშავდა.
ომის კორესპონდენტები, ბლოგერები და ოკუპირებული ტერიტორიების უშიშროების რამდენიმე თანამშრომელი, თავის მხრივ, ჯარის ხელიმძღვანელობას დაუპირისპირდნენ და მოითხოვეს მკაცრი სასჯელი მათთვის, ვინც მიიღო გადაწყვეტილება სამხედრო პერსონალი ერთ შენობაში ფატალურად განლაგებულიყო.
- რა მიიღო ზელენსკიმ ვაშინგტონიდან და როგორ შედგა საიდუმლო მოგზაურობა
- “დიდია შანსი, რომ მსოფლიო ომი 2023 წელს დაიწყოს, მაგრამ არსებობს იმედი, რომ მას თავიდან ავიცილებთ”
სისხლიანი კომპენსაცია
რუსული ძალების კომპაქტური მდებარეობის ობიექტებზე ადრეც საკმაოდ ბევრი დარტყმა განხორციელდა. უკვე 2023 წელს გავრცელდა ცნობები 31 დეკემბერს რუსული ჯარების სხვა მდებარეობის წარმატებული დაბომბვის შესახებ. უკრაინის შეიარაღებული ძალების ცნობით, რუსების ზარალმა დაახლოებით 500 დაჭრილი და დაღუპული ჯარისკაცი შეადგინა, მაგრამ რუსული მხრიდან ამის ოფიციალური დადასტურება არ არსებობს.
ექსპერტების აზრით, რუსმა მეთაურებმა კარგად იციან მათი რაკეტებისა და ძალიან მჭიდროდ განლაგებული ჯარების არტილერიის დაუცველობის შესახებ.
„პერსონალისა და აღჭურვილობის ხალხმრავალი განლაგება ფრონტის ხაზის ზონაში ცნობილი პრობლემაა და საბრძოლო რეგულაციებით პირდაპირ აკრძალულია“, – განმარტავს ისრაელის სამხედრო ექსპერტი დევიდ გენდელმანი – მიუხედავად ამისა, ბევრმა მეთაურმა – თუნდაც 10 თვიანი ომის შემდეგ – ვერაფრით გაიგო ამის შესახებ. წმინდა საყოფაცხოვრებო თვალსაზრისით, ბევრად უფრო ადვილია პერსონალის კომპაქტურად განთავსება ისეთ შენობაში, როგორიცაა სკოლები.“
რუსი სამხედრო ექსპერტი ასევე ეთანხმება თავის ებრაელ კოლეგას, რომელმაც უსაფრთხოების მიზეზების გამო ვინაობის დასახელებისგან თავი შეიკავა.
„ჩვენ გვაქვს ბანალური აურზაური, რომელიც გამოიხატება ყველა შესაძლო ნორმატიული მოთხოვნის შეუსრულებლობაში“, – დარწმუნებულია ჩვენი თანამოსაუბრე – ეს არის გაუნათლებლობა და დამოკიდებულების უგულებელყოფა.”
გარდა ამისა, რუსული წყარო ამტკიცებს, რომ ხანდაზმულ სამხედრო ლიდერებს ზედმეტად უყვართ კომფორტი და არ არიან მიჩვეულნი ველებზე და სანგრებში ცხოვრებას. ამიტომ, იმის მაგივრად, რომ ტყეში ან პარკში გაშალონ კარვები და შენიღბონ, ისინი, განსაკუთრებით ცივ სეზონზე, იკავებენ კომფორტულ შენობას, გულუბრყვილოდ ვარაუდობენ, რომ მტერი მათ ვერ მიაგნებს.
თავად რუსი საშუალო დონის ოფიცრებიც კი ამბობენ, რომ მთავარი პრობლემა სწორედ უმაღლესი ხელმძღვანელობის სრული უპასუხისმგებლობაა.
“და რომელი რუსი გენერალი ფიქრობს ჩვენს უსაფრთხოებაზე?” – ამბობს ერთ-ერთი რუსი ოფიცერი.
მისი მტკიცებით, ბევრი ოფიცერი ცდილობდა მოეთხოვა სარდლობისგან უფრო დაცული შენობები ან გამაგრებული ნაგებობები საცხოვრებლად. რაზეც პასუხად მიიღეს, რომ გენერლებიც სასტუმროებში არ ცხოვრობენ და განსაკუთრებული პირობები არავისთვის არ არის შექმნილი.
„აშკარაა, რომ ჯარისკაცების ბრალი არ არის, ვინც ახალი წლის ღამეს ცდილობდა ნათესავებთან დაკავშირებას. მთელმა ქალაქმა იცოდა, რომ რუსი სამხედროები პროფესიულ სასწავლებელში იყვნენ დასახლებული. საიდანღაც გაჟონა ინფორმაციამ”, – აცხადებს რუსი ოფიცერი.
ვინაიდან რუსი ჯარისკაცების ადგილმდებარეობის შესახებ მონაცემების საიდუმლოდ შენახვა თითქმის შეუძლებელია და არავინ აპირებს მათი განთავსებისთვის უსაფრთხო ტერიტორიებით უზრუნველყოფას, მაშინ კვლავ გაგრძელდება დარტყმები იმ ადგილებში, სადაც რუსი სამხედროები მჭიდროდ არიან დასახლებული. მაგრამ დამნაშავეები, როგორც ჩანს, ისევ რუსი ჯარისკაცები იქნებიან.
