ყარაბაღი, ბრძოლა გრძელდება: 30 ოქტომბერი

რუსეთში შესვლისათვის, აუცილებელია კორონავირუსის ტესტის გაკეთება, რომელიც კოჩარიანის შემთხვევაში, დადებითი აღმოჩნდა.

მანამდე გავრცელდა ინფორმაცია, რომ რობერტ კოჩარიანი სომხეთის კიდევ ერთ ექს-პრეზიდენტთან, ლევონ ტერ-პეტროსიანთან ერთად, მოსკოვში გეგმავდა გამგზავრებას, რათა რუსულ პოლიტიკურ ელიტასთან მთიან ყარაბაღში არსებული ვითარება განეხილა და შემდეგ, „კონკრეტული გადაწყვეტილებები“ შეეთავაზებინა მოქმედი ხელისუფლებისთვის.

სომხეთის ყოფილი პრეზიდენტები, ლევონ ტერ-პეტროსიანი და რობერტ კოჩარიანი აპირებენ მოსკოვში, რუსულ პოლიტიკურ ელიტასთან განიხილონ მთიან ყარაბაღში არსებული ვითარება და შემდეგ, „კონკრეტული გადაწყვეტილებები“ შესთავაზონ მოქმედ ხელისუფლებას. ამის შესახებ ინფორმაცია, Facebook-ის საკუთარ გვერდზე, სომხეთის პრემიერ-მინისტრის პრესმდივანმა, მანე გევორგიანმა გაავრცელა.

მისი თქმით, ნიკოლ ფაშინიანი ამ წინადადებას დათანხმდა და ხაზი გაუსვა, რომ არ შეუძლია შეეწინააღმდეგოს სომხეთისა და მთიანი ყარაბაღის სასარგებლო რაიმე სახის ნაბიჯებს.

„ჩვენი ინფორმაციით, ექსპრეზიდენტებს ჯერ არ დაუტოვებიათ სომხეთის ტერიტორია. ნებისმიერ შემთხვევაში, პრემიერ-მინისტრი და მთავრობა ღია არიან სიტუაციის დარეგულირების შესახებ წინადადებების მისაღებად და უარი არასოდეს უთქვამთ მსგავსი წინადადებების განხილვაზე“, – წერს პრესმდივანი.

აზერბაიჯანის პრეზიდენტმა ილჰამ ალიევმა ტვიტერის საკუთარ გვერდზე ის 9 დასახლებული პუნქტი ჩამოთვალა, რომლებიც აზერბაიჯანის არმიის კონტროლქვეშ გადავიდა:

ჯებრაილის რაიონი: ხუდავერდილი, გურბანტეფე, შაჰველედლი, ხუბიარლი;

ზანგილანის რაიონი: ალადინი, ვეჯნელი;

გუბადლის რაიონი: ქავდადიღი, მემერი და მოლალი.

Victorious Armed Forces of Azerbaijan have liberated Khudaverdili, Gurbantepe, Shahveledli and Khubyarli villages of Jabrayil, Aladin and Vejneli villages of Zengilan, Kavdadig, Memer and Mollali villages of Gubadli. Long live Azerbaijan’s Armed Forces! Karabakh is Azerbaijan!

— Ilham Aliyev (@presidentaz) October 30, 2020

„საბრძოლო მოქმედებების დაწყებიდან, 91 მშვიდობიანი მოსახლე დაიღუპა, 400 ადამიანი დაიჭრა. დაღუპულთა შორის 1 ჩვილი, 10 ბავშვი, 27 ქალი, 53 მამაკაცი და 15 ხანდაზმული ადამიანია“, – ნათქვამია უწყების განცხადებაში.

„30 ოქტომბერს, 07:35 საათიდან, გორანბოის, ტერტერის, აღდამისა და აღჯაბადის რაიონების ტერიტორია არტილერიიდან დაიბომბა.

აზერბაიჯანის არმია ადეკვატურ ზომებს იღებს“, – ნათქვამია აზერბაიჯანის თავდაცვის სამინისტროს პრესსამსახურის განცხადებაში.

მეორე თვე ყარაბაღში საბრძოლო მოქმედებების დაწყებიდან

• „მტერი შუშადან 5 კილომეტრშია“ (ყარაბაღის მნიშვნელობით მეორე ქალაქი), – განაცხადა ყარაბაღის პრეზიდენტმა და ყველას გაერთიანებისკენ მოუწოდა, რათა არ დაუშვან ქალაქის დაპყრობა.

• სომეხმა სამხედროებმა დაბომბეს აზერბაიჯანის გორანბოისა და ტერტერის რაიონები, დაიღუპა ერთი ადგილობრივი მცხოვრები, განაცხადა აზერბაიჯანის პრეზიდენტის თანაშემწემ. ვრცელდება ინფორმაცია, რომ საბრძოლო მოქმედებების დაწყებიდან, 27 სექტემბრიდან მოყოლებული, აზერბაიჯანული მხრიდან 90 მშვიდობიანი მოსახლე დაიღუპა.

• „აზერბაიჯანელი სამხედროების სამიზნედ რჩება სტეპანაკერტი, შუშა და მიმდებარე დასახლებები. დაბომბვისთვის გამოიყენება ზალპური ცეცხლის რეაქტიული სისტემა „სმერჩი“, აცხადებს ყარაბაღის თავდაცვის სამინისტრო.

• Amnesty International-მა და Human Rights Watch-მა დაადასტურეს 28 ოქტომბერს, აზერბაიჯანული ქალაქი ბარდის დაბომბვისას, აკრძალული კასეტური საბრძოლო მასალის გამოყენება. იქ 21 ადამიანი დაიღუპა, 60-ზე მეტი დაიჭრა. „HRW-ში გააანალიზეს საბრძოლო მასალის ნარჩენების ფოტოსურათები, რომელიც ადგილობრივმა და საერთაშორისო ჟურნალისტებმა, ასევე ბარდის მცხოვრებლებმა გადაიღეს. დაბომბვისას გამოიყენეს საერთაშორისო კონვენციებით აკრძალული საბრძოლო მასალა“, – ნათქვამია ორგანიზაციების განცხადებაში.

• რუსეთის, წითელი ჯვრის საერთაშორისო კომიტეტისა და პირადად ეუთოს თავმჯდომარის წარმომადგენლის ძალისხმევით, მხარეებს შორის დაღუპულ სამხედრო მოსამსახურეთა ცხედრების პირველი გაცვლა მოხდა. აზერბაიჯანის ცნობით, მოწინააღმდეგეს 30 სომეხი სამხედრო მოსამსახურის ცხედარი და ორი ხანდაზმული ადამიანი გადასცა, რომლებიც ჰადრუთში, ბრძოლების შემდეგ, ცოცხლები აღმოაჩინეს. სომხეთმა აღნიშნა, რომ მათ 29 სომეხი სამხედროს ცხედარი და ერთი მშვიდობიანი მოსახლე გადასცეს.

• ყარაბაღის თავდაცვის არმიამ ლეგიტიმური სამხედრო სამიზნეების სია გამოაქვეყნა, რომლებიც აზერბაიჯანის ქალაქებში, ბარდასა და განჯაში არის განლაგებული. ორივე ქალაქი უკვე დაიბომბა სომეხი სამხედროების მიერ და იქ ათობით მშვიდობიანი მოქალაქ დაიღუპა.

• ევროპის ადამიანის უფლებათა სასამართლომ აზერბაიჯანს დაავალა, 3 ნოემბრამდე წარმოადგინოს ინფორმაცია კიდევ ხუთი სომეხი სამხედრო მოსამსახურის შესახებ, ამის შესახებ, ევროსასამართლოში სომეხი სამხედროების ოჯახების წარმომდგენელმა განაცხადა. სომხეთი ამტკიცებს, რომ აზერბაიჯანში, სულ 17 სომეხი სამხედრო ტყვე იმყოფება.

• აზერბაიჯანის პრეზიდენტმა ხელი მოაწერა განკარგულებას „ოკუპაციისგან გათავისუფლებული ტერიტორიების ადმინისტრაციის ორგანიზების შესახებ“, სადაც კომენდატურები იქმნება.

• „(უნდა) ვისაუბროთ აზერბაიჯანისთვის 5+2 რაიონის გადაცემაზე, ყარაბაღის ზონაში გარკვეული რეჟიმის უზრუნველყოფით. გრძელვადიანი დარეგულირება იმაშია, რომ მოინახოს ინტერესებს შორის ბალანსი, რომელიც ორივე მხარეს დააკმაყოფილებს. ყარაბაღის კონფლიქტის დარეგულირებისთვის აუცილებელია საბრძოლო მოქმედებების შეწყვეტა, რათა მოლაპარაკებების მაგიდასთან დავსხდეთ“, – განაცხადა რუსეთის პრეზიდენტმა.

• ახალი ამბები, ფოტო/ვიდეო ყარაბაღში მიმდინარე საბრძოლო მოქმედებებთან დაკავშირებით – 29 ოქტომბერი, 2020