თითქმის ყოველ მეორე დაკავებულს ფიზიკური დაზიანების კვალი ეტყობა. ომბუდსმენის სტატისტიკა
ომბუდსმენის ანგარიში
სახალხო დამცველი პროევროპული აქციების დროს დაკავებულების შესახებ მონაცემებს აქვეყნებს.
როგორც განცხადებაშია აღნიშნული, 28 ნოემბერიდან 10 დეკემბრის ჩათვლით სახალხო დამცველმა და მისმა რწმუნებულებმა აქციაზე დაკავებული 327 ადამიანი მოინახულეს. მათგან თითქმის ყველა მეორეს – კონკრეტულად კი 157 დაკავებულს სხეულზე ხილული დაზიანება ეტყობა. 255-მა დაკავებულმა უთხრა სახალხო დამცველის აპარატის წარმომადგენლებს, რომ დაკავებისას და/ან შემდგომ მათ არასათანადოდ მოექცნენ.
გასულ კვირას, პოლიციის მხრიდან ძალადობაზე საუბრისას, ომბუდსმენმა ლევან იოსელიანმა გამოიყენა ტერმინი “წამება”
„[დემონსტრანტებს] მძიმე დაზიანებები, უმრავლეს შემთხვევაში, სახის, თვალის და თავის მიდამოში აქვთ მიღებული, რაც იმთავითვე პრაქტიკულად გამორიცხავს იმის ალბათობასაც კი, რომ პოლიცია, ყველა ჯერზე, მათ მიმართ საჭირო, პროპორციულ ძალას იყენებდა. დაზიანებების ლოკაცია, ხასიათი, ხარისხი სარწმუნო წარმოდგენას ქმნის იმასთან დაკავშირებით, რომ პოლიცია დასჯის მიზნით იყენებს მოქალაქეების მიმართ ძალადობრივ მეთოდებს. დასჯის მიზნით განზრახი, მძიმე ძალადობა წამების ქმედებას წარმოადგენს“.
___________________________________
საპროტესტო დემონსტრაციების მე-14 დღის მონაცემებით, დაკავებულია პროევროპულ, მშვიდობიან აქციებში მონაწილე ოთხასზე მეტი ადამიანი.
მიუხედავად იმისა, რომ დემონსტრაციების დროს პოლიციელების და სპეცრაზმელების მიერ სასტიკად ნაცემია ათობით ადანიამი, არც ერთი სამართალდამცავი დაკავებნული არ არის.
