მოსკოვში დააკავეს ბადრა გუნბას მრჩევლის, სერგეი შამბას ვაჟი
სერგეი შამბას ვაჟი
ორხან შამბა, ყოფილი საგარეო საქმეთა მინისტრისა და ამჟამინდელი ე.წ. პრეზიდენტის, სერგეი შამბას ვაჟი, მოსკოვში დააკავეს. დაუდასტურებელი ინფორმაციით, ის დიდი ოდენობით თანხის მითვისებაშია ეჭვმიტანილი. ასევე გავრცელდა ინფორმაცია, რომ ორხან შამბა 5 ოქტომბრის საღამოსთვის გაათავისუფლეს.
აფხაზეთის ოპოზიციური Telegram არხი “რესპუბლიკა“ მოპარული თანხების ოდენობასაც ასახელებს: 147 მილიონი რუბლი (დაახლოებით 1,8 მილიონი დოლარი).
კიდევ ერთი ოპოზიციური მედიასაშუალება, “ნუჟნაია გაზეტა“, იუწყება, რომ ორხან შამბას დაკავების დროს მანქანაში 147 მილიონი რუბლი იპოვეს.
თუმცა, არცერთ რუსულ მედიასაშუალებას ამ ინციდენტის შესახებ ინფორმაცია არ გაუვრცელებია.
2024 წლის აგვისტოდან ორხან შამბა რუსეთში აფხაზეთის სავაჭრო წარმომადგენლის მოვალეობის შემსრულებელი იყო და დიპლომატიური იმუნიტეტით სარგებლობს.
დაკავებულის მამა, სერგეი შამბა, აფხაზური პოლიტიკის ვეტერანი და ერთ-ერთი ყველაზე გავლენიანი ფიგურაა. იგი მრავალი წლის განმავლობაში ხელმძღვანელობდა აფხაზეთის საგარეო საქმეთა სამინისტროს და ფართო კავშირები აქვს კრემლში. სერგეი შამბა ამჟამად აფხაზეთის პრეზიდენტის მრჩევლად მუშაობს.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა რედაქციიის და მისი ცალკეული თანამშრომლების მოსაზრებებსა და პოზიციას. რედაქცია იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
