მოსკოვში 10 ათასი ადამიანი ქუჩაში გამოვიდა, დაკავებულია 800
მოსკოვში კორუფციის წინააღმდეგ გამართული შეუთანხმებელი აქციის შედეგად 800 ადამიანზე მეტია დაკავებული. პირობითი სლოგანით „მე – ვგრიალებ“ ქუჩებში მთლიანობაში 10 ათასი ადამიანი გამოვიდა. – იტყობინება რუსული ტელეკომპანია „დოჟდი“.
აქციის ორგანიზატორი – ოპოზიციონერი პოლიტიკოსი ალექსეი ნავალნი დილითვე დააკავეს. ის პოლიციის განყოფილებაში დარჩება სასამართლო პროცესამდე, რომელიც ხვალ გაიმართება.
კორუფციის საწინააღმდეგო აქციები რუსეთის ბევრ ქალაქში გაიმართა. პოლიციამ არასანქცირებული აქციის ათობით მონაწილე დააკავა ვლადივოსტოკში, იუჟნო-სახალინსკში, ხაბაროვსკში, ეკიტერინბურგსა და სხვა ქალაქებში.
