მოსამართლეების კორპორაციული წვეულება პროტესტის და კვერცხების სროლის ფონზე გაიმართა. VIDEO
მოსამართლეების კორპორატიული წვეულება
12 იანვარს თბილისში, ბელიაშვილის ქუჩაზე მდებარე რესტორან “ბაბილოში” მოსამართლეების ერთობლივი კორპორაციული ღონისძიება გაიმართა. მოსამართლეთა კორპორაციულ ღონისძიებას სააპელაციო სასამართლოს მოსამართლე და იუსტიციის უმაღლესი საბჭოს წევრი, სანქცირებული ლევან მურუსიძე მასპინძლობდა.
კორპორაციული წვეულების ფონზე რესტორანთან მოქალაქეებმა, სამოქალაქო აქტივისტებმა და აქციების დროს დაპატიმრებულთა მშობლებმა საპროტესტო აქცია მოაწყვეს.
“კორუმპირებული სასამართლო აუქმებს დემოკრატიასა და ადამიანის უფლებებს.” – ეწერა ერთ-ერთ საპროტესტო ბანერზე.
აქციის დაწყებიდან ცოტახანში სტუმრებმა რესტორნის დატოვება დაიწყეს, ადგილზე კი საპოლიციო ძალები მივიდნენ. პროტესტის მონაწილეებმა მოსამართლეებს კვერცხები დაუშინეს.
მოსამართლეებს რესტორანში შესვლა უკანა კარიდან მოუწიათ, თუმცა ზოგი მათგანისთვის ისიც დაკეტილი აღმოჩნდა.
რესტორნიდან გამოსვლის შემდეგ ზოგიერთ მათგანს მოქალაქეებმა კვერცხები ესროლეს.
ერთ-ერთი მოსამართლე რესტორან ბაბილოდან პოლიციის დაკავების მანქანით გაარიდეს.
რესტორან ბაბილოს მიმდებარე ტერიტორიაზე პოლიციამ 4 მოქალაქე დააკავა.
მოსამართლეებმა რესტორანი სპეცრაზმის კორდონის საშუალებით დატოვეს.
