Live: ომი უკრაინაში. მეცამეტე დღე. განახლებადი ინფორმაცია

ზელენსკი მოჰყვა, რა ხდებოდა უკრაინაში ბოლო 13 დღის განმავლობაში. კერძოდ, მისი თქმით, ომის დაწყებიდან დღემდე 50-ზე მეტი ბავშვი დაიღუპა, მარიუპოლში კი ადამიანები წყლისა და საკვების გარეშე დარჩნენ.

ვიდეოკონფერენციის დროს მან მადლობა გადაუხადა პრემიერ-მინისტრ ბორის ჯონსონს უკრაინის მხარდაჭერისთვის და მოუწოდა რუსეთის წინააღმდეგ სანქციების გაძლიერებისკენ.

ზელენსკიმ უკრაინის ბრძოლა რუსეთის წინააღმდეგ შეადარა დიდი ბრიტანეთის სამხედრო მოქმედებებს ნაცისტური გერმანიის წინააღმდეგ მეორე მსოფლიო ომის დროს.

“მინდა შეგახსენოთ სიტყვები, რომლებიც გაერთიანებულმა სამეფომ ერთხელ უკვე მოისმინა და კვლავ მნიშვნელოვანია: ჩვენ არ დავთმობთ და არ წავაგებთ. ჩვენ ვიბრძოლებთ ბოლომდე, ზღვასა და ჰაერში, ჩვენ გავაგრძელებთ ბრძოლას ჩვენი მიწისთვის ნებისმიერ ფასად. ჩვენ ვიბრძოლებთ ტყეებში, მინდვრებში, სანაპიროზე, ქუჩებში“, – გაიმეორა ზელენსკიმ უინსტონ ჩერჩილის სიტყვები.

პენტაგონი: რუსულმა მხარემ უკრაინაში 2-დან 4 ათასამდე ადამიანი დაკარგა. განაცხადა აშშ-ის თავდაცვის სადაზვერვო სააგენტოს ხელმძღვანელმა სკოტ ბერიერმა.

უკრაინის თავდაცვის სამინისტროს ინფორმაციით, რუსული მხარის ზარალი უკვე 12 ათასი ადამიანია. (სააგენტო UNIAN-მა აღნიშნა, რომ ამ რიცხვში შედის არა მხოლოდ დაღუპული, არამედ დაჭრილი რუსებიც)

რუსეთის თავდაცვის სამინისტრომ საკუთარ დანაკარგებზე მხოლოდ ერთხელ ისაუბრა და 498 დაღუპული გამოაცხადა.

აშშ-ის პრეზიდენტმა ბაიდენმა გამოაცხადა აშშ-ს მიერ რუსული ნავთობის იმპორტის აკრძალვა.

შეერთებული შტატების მსგავსად გაერთიანებული სამეფოც შეწყვეტს რუსული ნავთობისა და ნავთობპროდუქტების იმპორტს წლის ბოლოსთვის

ამერიკული გამოცემა Politico წერს, რომ აშშ-ის საგარეო პოლიტიკური ელიტის 27-მა წარმომადგენელმა ბაიდენის ადმინისტრაციის სახელზე დაწერა წერილი, სადაც უკრაინის თავზე ფრენებისთვის აკრძალული ზონის შექმნას ითხოვენ. ოღონდ “შეზღუდული” ფორმატით. ამ ზონამ, მათი თქმით, ჰუმანიტარული დერეფნები უნდა დაიცვას.

„ნატოს ლიდერებმა უნდა აცნობონ რუს ოფიციალურ პირებს, რომ ისინი არ ესწრაფვიან პირდაპირ კონფრონტაციას რუსულ ძალებთან, მაგრამ ასევე უნდა აჩვენონ, რომ არ დაუჭერენ მხარს რუსეთის თავდასხმებს სამოქალაქო ტერიტორიებზე“, – ნათქვამია წერილში.

ხელმომწერთა სიის თავშია რობერტ მაკკონელი, ფონდ აშშ-უკრაინის დამფუძნებელი.

—————
უკრაინის თავზე ფრენისთვის აკრძალული ზონის შექმნა ბაიდენმა და საგარეო პოლიტიკის ლიდერების დიდმა ნაწილმა გამორიცხა. სენატორმა მარკო რუბიომ ასე აღწერა ეს იდეა – „მესამე მსოფლიო ომის დაწყების გზა”.

უკრაინის თავზე ფრენის აკრძალული ზონის შესაქმნელად, ნატოს (ანუ ამერიკელ) მფრინავებს ჯერ რუსული საჰაერო თავდაცვის განადგურება მოუწევთ. ასევე ნატოს მოუწევს იმ რუსული თვითმფრინავების ჩამოგდება, რომლებიც დაარღვევენ ამ ზონას (რაც აუცილებლად მოხდება).

რუსეთის პრეზიდენტმა ვლადიმირ პუტინმა გააფრთხილა მსოფლიო, რომ ნებისმიერ ქვეყანას, რომელიც გამოაცხადებს ფრენის აკრძალულ ზონას, რუსეთი “სამხედრო კონფლიქტის მონაწილედ” განიხილავს.

“ეს არის ერთ-ერთი საკითხი, რაზეც ბაიდენი და პუტინი, როგორც ჩანს, შეთანხმდნენ: ფრენებისთვის აკრძალული ზონა გამოიწვევს ომს ნატოსა და რუსეთს შორის”, წერს Politico.

“რაც შეეხება ნატოს – მე დავკარგე ინტერესი ამ საკითხის მიმართ მას შემდეგ, რაც მივხვდით, რომ ნატო არ არის მზად უკრაინის მისაღებად. ალიანსს ეშინია ურთიერთსაწინააღმდეგო საკითხების და რუსეთთან დაპირისპირების” – ზელენსკი

ხერსონის რაიონში, რუსი სამხედროების მიერ ოკუპირებული დასახლებების მცხოვრებლები დღეს საპროტესტო აქციებს მართავენ.

დემონსტრაციებზე ოლეშკისა და გოლაია პრისტანის რამდენიმე ათასი მცხოვრები გამოვიდა.

პრეზიდენტი ვოლოდიმირ ზელენსკი აცხადებს, რომ საერთაშორისო წითელი ჯვარი უკრძალავს უკრაინას გამოიყენოს მისი ემბლემა – წითელი ჯვარი – მოსახლეობის ევაკუაციისთვის განკუთვნილ მანქანებზე. ზელენსკი თავის ვიდეომიმართვაში აცხადებს: „იცით, მითხრეს, რომ წითელი ჯვარი, საერთაშორისო წითელი ჯვარი, გვიკრძალავს ემბლემის გამოყენებას ჩვენს მანქანებზე. ჰუმანიტარული მისიების შესრულებისას” . წითელი ჯვარს  ამ თემაზე არ გაუკეტებია კომენტარი   ჯერ არ გაუკეთებია .

რუსეთმა ირანს გაუსწრო სანქციების ქვეშ მყოფი კომპანიებისა და ფიზიკური პირების რაოდენობით. რუსეთში სანქცირებულთა რაოდენობამ 5530-ს მიაღწია, ირანში – 3616-ია.

გარდა ამისა, რუსეთმა დაკარგა 303 ტანკი, 1036 ჯავშანტექნიკა, 120 საარტილერიო სისტემა, 56 მრავალჯერადი სარაკეტო სადგური, 27 საჰაერო თავდაცვის სისტემა, 48 თვითმფრინავი, 80 შვეულმფრენი. 474 მანქანა, 3 გემი. გენერალურ შტაბში აცხადებენ, რომ ეს მონაცემები ჯერ კიდევ ზუსტდება, რადგან მათი დათვლა რთულდება ბრძოლების მაღალი ინტენსივობის გამო

ბრიტანეთის თავდაცვის მინისტრმა ბენ უოლესმა BBC-სთან ინტერვიუში შეაფასა რუსული არმიის ამჟამინდელი პოზიცია უკრაინაში:

“უკვე მე-13 დღეა, რუსეთი ჯერ კიდევ არ მიდის წინ. ის კოლონა ჩრდილოეთით [კიევის], რომელზეც ჩვენ ბევრს ვსაუბრობდით, ჯერ კიდევ დგას. როგორც ჩანს, ის მართლაც გაჭედილია და არ მოძრაობს.”

მინისტრმა ასევე აღნიშნა, რომ ვლადიმერ პუტინის ქვედანაყოფები „უფრო და უფრო მეტად სასოწარკვეთილებაში ვ

უკრაინის ხელისუფლება აცხადებს, რომ რუსმა ჯარებმა დაცხრილეს საევაკუაციო ავტობუსი და კიევის რეგიონის რამდენიმე სოფელს ცეცხლი გაუხსნეს: დაშავდა 3 ადამიანი.

ძირითადი ციტატები:

„ხალხი, ვინც მე ამირჩია, არ არის მზად კაპიტულაციისთვის, ჩვენ არ ვართ მზად ულტიმატუმებისთვის. მაგრამ ჩვენ შეგვიძლია რუსეთთან ვისაუბროთ ყირიმისა და დონბასის მომავალზე.

„ფრენებისთვის აკრძალული ზონა საჭიროა, რომ რუსული რაკეტები ჩამოვაგდოთ, მე ამის შესახებ ბაიდენს ვუთხარი. ვფიქრობ, შეერთებული შტატების პრეზიდენტს მეტი შეუძლია გააკეთოს“.

“პუტინი საინფორმაციო ვაკუუმშია, მას შეუძლია დაასრულოს თავისი დაწყებული ომი”

– დენაციფიკაცია, რომელსაც პუტინი გვთავაზობს, არის უკრაინული ერის განადგურება, ეს არის ნაციზმი, როგორც 40-იან წლებში.

გუშინ ღამე ქალაქ სუმის საცხოვრებელ კორპუსებზე ავიაიერიშის შედეგად 9 ადამიანი დაიღუპა, მათ შორის ორი ბავშვი, აცხადებს უკრაინის საგანგებო სიტუაციების სამსახურის.

იანუკოვიჩმა მიმართა ზელენსკის: პირადად თქვენ უნდა შეწყვიტოთ სისხლისღვრა ნებისმიერ ფასად და მიაღწიოთ სამშვიდობო შეთანხმებას.

უკრაინის ყოფილი პრორუსი პრეზიდენტის სიტყვებს გადმოსცემენ რუსეთის სახელმწიფო საინფორმაციო სააგენტოები.

ევროკომისია დღეს წარადგენს გეგმას ევროკავშირში რუსულ გაზის მიწოდების ეტაპობრივად შეწყვეტის შესახებ. რუსულ გაზზე მოდის ევროკავშირის მიწოდების 40 პროცენტი.

„გეგმა მნიშვნელოვნად შეამცირებს ჩვენს დამოკიდებულებას რუსულ გაზზე უკვე მიმდინარე წელს. ხოლო რამდენიმე წელიწადში საშუალებას მოგვცემს მთლიანად შევწვიტით იმპორტი რუსეთიდან“, – განუცხადა ევროკომისიის ვიცე-პრეზიდენტმა ფრანც ტიმერმანსმა ევროპარლამენტარებს.

“ეს ადვილი არ იქნება, მაგრამ შესაძლებელია”, – დასძინა მან.

გეგმის პროექტი უკვე წაიკითხეს Reuters-მა და Financial Times-მა. მათი გადმოცემით გეგმა ასეთია – უნდა გაიზარდოს თხევადი გაზის შესყიდვები (მისი მთავარი მიმწოდებლებია ყატარი და აშშ), ზამთრისთვის მეტი მარაგი უნდა ჩაიტუმბოს საცავებში, უნდა გაიზარდოს წყალბადის და ბიოგაზის წარმოება და ასევე ქარის წისქვილების და მზის ფერმების მშენებლობა. @bbc

იენს სტოლტენბერგი, ჯასტინ ტრუდო და პედრო სანჩესი სამშაბათს შეხვდებიან ლატვიის პრემიერ- მინისტრს კრისიანის კარინსს და პრეზიდენტს ეგილს ლევიტსს.

ისინი დაათვალიერებენ სამხედრო ბაზას, სადაც 2017 წლიდან კანადის ხელმძღვანელობით ნატოს საბრძოლო ჯგუფია განლაგებული. მანამდე კანადამ და ესპანეთმა განაცხადეს, რომ ლატვიაში დამატებით ძალებს გაგზავნიან. დღეისათვის ქვეყანაში ნატოს 1500-მდე უცხოელი ჯარისკაცია.

უკრაინის პრეზიდენტმა ვოლოდიმირ ზელენსკიმ გამოაქვეყნა ვიდეო, რომელიც ადასტურებს, რომ ის თავის კაბინეტში იმყოფება, კიევის ცენტრში.

უკრაინის სატრანსპორტო ინფრასტრუქტურის ზარალი 10 მილიარდ დოლარზე მეტია და მისი აღდგენა ერთ წელიწადში იქნება შესაძლებელი, განაცხადა უკრაინის ინფრასტრუქტურის მინისტრმა.

ქალები ღია ცის ქვეშ ამზადებენ საკვებს უკრაინელი სამხედროებისთვის და სამოქალაქო თავდაცვის წევრებისთვის. კიევი, უკრაინა, ორშაბათი, 7 მარტი, 2022. (AP Photo/Vadim Ghirda)

➖ ავიაიერიშები იყო ქალაქ სუმიზე (ქალაქი ხარკოვის ჩრდილო-დასავლეთით, რუსეთის საზღვართან). სუმის სამხარეო ადმინისტრაციის ხელმძღვანელმა დიმიტრი ჟივიცკიმ თქვა, რომ ავიაიერიშები 7 მარტს, ღამის 23 საათის შემდეგ დაიწყო. რუსებმა ასევე ესროლეს ახტირკას.

➖ უკრაინის შეიარაღებული ძალების მთავარსარდალმა, ვალერი ზალუჟნიმ განაცხადა, რომ კიევსა და მის მიმდებარედ წუხელ ორი რუსული თვითმფრინავი ჩამოაგდეს.

➖ უკრაინის არმიამ რუსი გენერალ-მაიორის, ვიტალი გერასიმოვის დაღუპვის შესახებ განაცხადა. 44 წლის გერასიმოვი, როგორც ჩეჩნეთისა და სირიის საომარი მოქმედებების მონაწილეა. გენერალ-მაიორები, როგორც წესი, დივიზიას, მეთაურობენ ანუ დაახლოებით 15 ათას სამხედროს. რუსეთეთის მხრიდან გენერალ-მაიორ გერასიმოვის გარდაცვალების დადასტურება არ არსებობს.

➖ ზელენსკიმ გაეროს მისიებში მონაწილე უკრაინელი სამშვიდობოები სახლში გაიწვია. ისინი უკრაინაში საომარ მოქმედებებში მიირებენ მონაწილეობას.

 7  მარტის Live ომი უკრაინაში. მეთორმეტე დღე. 

6 მარტის Live ომი უკრაინაში მეთერთმეტე დღე.

5 მარტის  Live. ომი უკრაინაში . მეათე დღე.

4 მარტის  Live. ომი უკრაინაში დღე მეცხრე.

3 მარტის Live.ომი უკრაინაში. დღე მერვე.

2 მარტის Live.ომი უკრაინაში. დღე მეშვიდე.

1 მარტის Live. უკრაინაში რუსეთის წინააღმდეგ ბრძოლის მეექვსე დღე.

28 თებერვლის  Live .უკრაინაში რუსეთის წინააღმდეგ ბრძოლა გრძელდება. დღე მეხუთე.

27 თებერვლის  Live. რუსეთი უკრაინაში შეიჭრა.  ომის მეოთხე დღე 

26 თებერვლის  Live.რუსეთი უკრაინაში შეიჭრა.  ომის მესამე დღე 

25 თებერვლის  Live. რუსეთი უკრაინაში შეიჭრა ომის მეორე დღე

24 თებერვლის  Live. რუსეთი უკრაინაში შეიჭრა ომის პირველი დღე