უკრაინაში რუსეთის წინააღმდეგ ბრძოლის მეექვსე დღე. 1 მარტი. განახლებადი ინფორმაცია

ზელენსკიმ ჩNN-თან ინტერვიუში განაცხადა, რომ მზადაა პუტინთან მოლაპარაკებისთვის.

თუმცა, დასძინა, რომ ამისთვის საჭიროა “მინიმუმ მინიშნებები” ცეცხლის სრული შეწყვეტის შესახებ.

ასევე, უკრაინის პრეზიდენტმა განაცხადა, რომ ვერ ხედავს კონკრეტიკას რუსეთთან მოლაპარაკებების პირველი რაუნდის შემდეგ .

ზურაბიშვილის უკმაყოფილება გამოიწვია საგარეო უწყების პოსტმა უკრაინის მხარდასაჭერად საქართველოს მიერ გადადგმული ზომების შესახებ. საგარეოს ჩამონათვალში პრეზიდენტი ბოლოს წინა პუნქტშია ნახსენები – ნათქვამი, რომ პრეზიდენტის სასახლეზე უკრაინის დროშა გამოიფინა.

ზურაბიშვილი საგარეო უწყებას შეახსენებს, რომ “საქართველოს პრეზიდენტის მხარდაჭერა არ გამოიხატება დროშების გადმოფენაში, არამედ გამოიხატება მის მკაფიო განცხადებებში! დღეს მისი პარიზში და ბრიუსელში ყოფნა სწორედ ამას ემსახურება!”

ევროპარლამენტმა მხარი დაუჭირა რეზოლუციას უკრაინის ევროკავშირში გაწევრიანების კანდიდატი ქვეყნის სტატუსის მინიჭების შესახებ.

კერძოდ, მხარი 637-მა დეპუტატმა მისცა, წინააღმდეგ 13-მა, ხოლო 26-მა თავი შეიკავა.

ნატოს საგარეო საქმეთა მინისტრები უკრაინის საკითხთან დაკავშირებით პარასკევს, 4 მარტს საგანგებო შეხვედრას გამართავენ

The Times იუწყება, რომ კრემლის დავალებით კიევში 400-ზე მეტი რუსი დაქირავებული ჯარისკაცი მოქმედებს.

მათ ევალებათ პრეზიდენტ ზელენსკის, მინისტრთა კაბინეტის წევრების მოკვლა და ნიადაგის მომზადება იმისთვის, რომ რუსული არმიას ქალაქების აღება გაუადვილდეს.

საუბარია განსაკუთრებული მომზადებით და სისასტიკით ცნობილ კერძო, არაფორმალურ სამხედრო ფორმირებაზე, ჭაგნერ Gროუპ-ზე, რომელსაც რუსული მედიოდ გამოძიებით, მართავს პრეზიდენტ პუტინის ერთ-ერთი უახლოესი მეგობარი ევგენი პრიგოჟინი .

ვაგნერი უკვე იყო უკრაინაში 2014 წელს, ასევე სირიაში და სამხრეთ აფრიკაში. სეორედ აფრიკიდან გადმოვიდმენ უკრაინაში ჯგუფის წევრები ხუთი კვირის წინ, წერს Тჰე თიმეს. დაქირავებული ჯარისკაცების დაევალა ზელენსკის მთავრობის განადგურება სოლიდური ფინანსური პრემიის სანაცვლოდ.

კანის კინოფესტივალმა გადაწყვიტა წელს არ უმასპინძლოს რუსეთის ოფიციალურ დელეგაციას. პარამაუნტმა ასევე შეაჩერა ფილმების დისტრიბუცია რუსეთში, Disney-ს, Sony-სა და Warner-ის შემდეგ. Netflix-მა შეწყვიტა მუშაობა რუსულ ორიგინალურ პროექტებზე, იუწყება The Bell.

უკრაინის საგანგებო სიტუაციების სამინისტროს ცნობით, ტელეანძაზე თავდასხმის შედეგად 5 ადამიანი დაიღუპა. მათ შორის არ არიან ანძის თანამშრომლები. რიგითი გამვლელები არიან

ხარკოვში ავიადარტყმებზე პასუხისმგებელი რუსული თვითმფრინავი უკრაინულმა ძალებმა ჩამოაგდეს. ეს არის იგივე თვითმფრინავი, რომელმაც ბომბი ესროლა ხარკოვში საცხოვრებელ კორპუსს.
(საზოგადოებრივი არხი)

დიდი ბრიტანეთის თავდაცვის სამინისტრო აქვეყნებს რუკას დაზვერვის უახლეს მონაცემებზე დაყრდნობით, უკრაინაში სიტუაციის შესახებ – ჩანს საიდან უტევს რუსული არმია

რუსეთის სახელმწიფო საინფორმაციო სააგენტოები, რუსეთის თავდაცვის სამინისტროზე დაყრდნობით, აანონსებენ ავიაიერიშებს უსაფრთხოების სამსახურის ობიექტებზე და კიევში ფსიქოლოგიური სპეცოპერაციების 72-ე მთავარ ცენტრზე. რათა ჩაახშინ “რუსეთის წინააღმდეგ საინფორმაციო თავდასხმება”

გავრცელებულ ინფორმაციაში რუსეთის თავდაცვის სამინისტრო მოუწოდებს კიევის მცხოვრებლებს, რომლებიც ამ ობიქტებთან ცხოვრობენ, დატოვონ სახლები.

რუსი სამხედროები კიევზე სარაკეტო თავდასხმებს ომის მეორე დღიდან ახორციელებენ.

რა თქვა ევროკომისიის პრეზიდენტმა ურსულა ფონ დერ ლაიენმა:

▪️ უკრაინის ბედი სასწორზეა, მაგრამ ასევე ევროკავშირის ბედიც;

▪️ ევროკავშირი ვერასდროს მიიღებს რუსეთის თეზისს, რომ უკრაინას არ აქვს არსებობის უფლება.

▪️ლტოლვილებზე: ამოქმედდება ლტოლვილთა დაცვის მექანიზმი, დაიშვება წვდომა ევროპულ სკოლებთან, საავადმყოფოებთან და მიწოდების სისტემასთან;

▪️სანქციებზე: ჩამოთვალა რაც უკვე მიღებულია და დასძინა: “არ მოდუნდეთ: გავყინავთ მათ იახტებსაც და მანქანებსაც“.

▪️საინფორმაციო მხარდაჭერა: ასევე შეაჩერეს კრემლის პროპაგანდისტული მანქანის – Russia Today და Sputnik არხების და მათი შვილობილი კომპანიების ლიცენზიები;

▪️რუსული ენერგორესურსებზე უარის თქმა: – “ჩვენ ვერ ვენდობით მიმწოდებელს, რომელიც გვემუქრება“. ეს დააჩქარებს გადასვლას „მწვანე“ ენერგიაზე, თქვა მან.

▪️დახმარება: უკრაინამ უკვე მიიღო 500 მილიონი ევროს სამხედრო დახმარება, ახლა ევროკავშირი კიდევ 500 მილიონს გამოყოფს ლტოლვილების დასახმარებლად;

▪️ უკრაინის ევროპული ინტეგრაცია: „დღეს ევროკავშირი და უკრაინა უფრო ახლოს არიან, ვიდრე ოდესმე. ჯერ კიდევ დიდი დროა გასავლელი, ომის დასრულებამდე და შემდეგ მომავალ ნაბიჯებზე საუბარი. მაგრამ არავის ეპარება ეჭვი, რომ ხალხი, ვინც ასე მამაცურად დადგა თავისი ქვეყნის დასაცავად, ვერ დარჩება ევროპული ოჯახის მიღმა“.

▪️ მიმართვა ევროპელებს: ჩვენც ვიგრძნობთ სანქციების ეფექტს, ყველას გვსურს პანდემიის შემდეგ ეკონომიკის აღდგენა, მაგრამ ეჭვი არ მეპარება, რომ ევროპელებს ესმით, რომ გადაიხადოს თავისუფლების დასაცავად ჩვენ მოგვიწევს ფასის გადახდა.

➖ უკრაინის სიდიდით მეორე ქალაქის, ხარკოვის ცენტრში, თავისუფლების მოედანზე რუსული დარტყმის შედეგად დიდი აფეთქება მოხდა, რამაც ნგრევა და მსხვერპლი გამოიწვია. უკრაინის შსს ცნობით 10 ადამიანი დაიღუპა.

➖ ბელარუსის ჯარები შევიდნენ ჩერნიგოვის რეგიონის ტერიტორიაზე. ამის შესახებ საზოგადოებრიბრივი არხი იუწყება.

➖ უკრაინის პრეზიდენტს ვოლოდიმირ ზელენსკის ევროპარლამენტარების წინაშე ვიდეოჩართვა ჰქონდა. მან ევროპას უკრაინის ევროკავშირში დაჩქარებულად მიღება სთხოვა. “ჩვენ ვერავინ გაგვტეხს,” – თქვა მან. მის გამოსვლას დიდი ოვაციებით შეხვდნენ.

➖ რუსული ჯავშანტექნიკის 64 კილომეტრიანი კოლონა მიიწევს კიევში.

➖ ჩრდილო-აღმოსავლეთის ქალაქ ოხტირკაში 70-მდე უკრაინელი ჯარისკაცი დაიღუპა რუსული საარტილერიო თავდასხმის შედეგად.

➖ ზელენსკიმ საქართველოდან ელჩი გაიწვია თბილისის მიერ „მოხალისეების არგამოშვებისა” და “სანქციებთან დაკავშირებით ამორალური პოზიციის” გამო.

➖ დღეს 7 საათზე რუსთაველზე აქციაა – მოქალაქეები უკრაინასთან დაკავშირებით საქართველოს ხელისუფლების პოზიციას გააპროტესტებენ.

რუსეთის თავდაცვის სამინისტროს განცხადებით, უკრაინული ძალებისთვის აზოვის ზღვაში გასასვლელი სრულად ბლოკირებულია.

უკრაინის შინაგან საქმეთა სამინისტრო: ხარკოვის ადმინისტრაციაზე თავდასხმის შედეგად 10 ადამიანი დაიღუპა.სულ მცირე 20 დაშავდა. იერიში 1 მარტის დილით მოხდა.

ბუნდესტაგში გერჰარდ შრედერის ბიუროს თანამშრომლებმა მისი ოფისი დატოვეს შრედერის უკრაინასთან დაკავშირებული პოზიციის გამო,

გერმანიის ყოფილი კანცლერი მჭიდროდ თანამშრომლობს კრემლთან და რუსეთის ნავთობისა და გაზის სექტორთან. მისი ბიუროდან ოთხივე თანამშრომლის წასვლის შესახებ Die Welt წერს.

ბიუროს ხელმძღვანელმა და შრედერის სფიჩრაიტერმა 20 წლიანი სტაჟით, ალბრეხტ ფანკმა უთხრა გაზეთს, რომ ემიჯნება ხელმძღვანელის პოზიციას, რომელმაც არ დაგმო პუტინი უკრაინასთან ომის დაწყებისთვის.

BBC წერს, რომ გერმანიის ყოფილ კანცლერებს დიდი პენსია აქვთ და ასევე ეძლევათ თანხა ბუნდესტაგში საკუთარი ბიუროს შესანარჩუნებლად.

გერჰარდ შროდერი, რომელიც ახლა 77 წლისაა, 2005 წელს კანცლერის თანამდებობიდან გადადგომის შემდეგ, რუსულ ხელფასზე გადავიდა და ევროპასა და მსოფლიოში რუსეთის ენერგეტიკულ პროექტებს ლობირებდა: ის არის სახელმწიფო ნავთობკომპანია როსნეფტის სამეთვალყურეო საბჭოს თავმჯდომარე და ასევე ნორდსტრიმის გაზსადენი ოპერატორი კომპანიის Nord Stream AG აქციონერთა კომიტეტის თავმჯდომარე.

ზელენსკის გამოსვლიდან ევროპარლამენტარების წინაშე

„ყოველი მოედანი იქნება თავისუფლების მოედანი. ვერავინ გაგვტეხსს. ჩვენი სურვილია, რომ ჩვენმა შვილებმა იცხოვრონ. ეს სამართლიანი სურვილია, რადგან გუშინ 16 ბავშვი დაიღუპა. და კიდევ პუტინი იტყვის, რომ ეს არის ერთგვარი ოპერაცია. სად მუშაობენ ჩვენი შვილები, რა ტანკებს მართავენ?

პატივცემულებო, ჩვენ გვყავს ძალიან მოტივირებული ხალხი, ვიბრძვით ჩვენი უფლებებისთვის, თავისუფლებისთვის, სიცოცხლისთვის და ახლა გადარჩენისთვის.

ჩვენ ვიბრძვით, რომ ვიყოთ ევროპის თანაბარი წევრები. ჩვენთან ერთად ევროკავშირი გაძლიერდება. ჩვენ დავამტკიცებთ ჩვენს ძალას.

დაამტკიცეთ, რომ ჩვენთან ხართ, დაამტკიცეთ, რომ ევროპელები ხართ, მაშინ სიცოცხლე დაამარცხებს სიკვდილს, სინათლე კი სიბნელეს. დიდება უკრაინას!”

ევროპარლამენტი ზელენსკის გამოსვლის შემდეგ

რუსეთ-უკრაინის მოლაპარაკებების მეორე რაუნდი, შესაძლოა, 2 მარტს გაიმართოს, იუწყება უკრაინული გამოცემა “ზერკალო ნედელი”

რუსული არმიის დანაკარგები 12.00 საათის მდგომარეობით (გენშტაბი)

თვითმფრინავი – 29 ერთეული,

ვერტმფრენები – 29 ერთეული,

ტანკები – 198 ერთეული,

ჯავშანტექნიკა – 846 ერთეული,

საარტილერიო სისტემები – 77,

საჰაერო თავდაცვის სისტემები – 7 ერთეული,

РСЗО – 24 ერთეული,

БПЛА – 3 ერთეული,

ATT – 305 ერთეული, საწვავის ავზები – 60 ხომალდი,

კატარღები – 2.

➖ რუსმა ოკუპანტმა შეანელა შეტევის ტემპი, მაგრამ აგრძელებს შეტევის ტემპის განვითარების მცდელობას

➖ უკრაინაში რუსეთის სამხედრო შემოჭრის მეექვსე დღე გრძელდება.

➖ რუსი აგრესორების ჯავშანტექნიკის კოლონამ შეანელა სვლა და ლოჯისტიკური პრობლემების გამო. მტრის ჯარი საწვავისა და საბრძოლო მასალის მიწოდების პრობლემებს განიცდის.

➖ ხარკოვისა და ჩერნიგოვის რეგიონალური ცენტრების აღებაში რომ ვერ მიაღწიეს წარმატებას, ოკუპანტებმა ალაქების საცხოვრებელ უბნებს ესროლეს რაკეტები.

➖რუსი დამპყრობლები აგრძელებენ უკრაინის ქალაქების სუმის, ლებედინისა და ახტირკას ალყას, მტერი გადაჯგუფებულია, რათა განაგრძოს შეტევა კიევის მიმართულებით.

➖ დონეცკის რეგიონში მტრის ჯარები უკრაინის ქალაქ მარიუპოლის აღებაზე კონცენტრირდნენ, მაგრამ წარმატებას ვერ მიაღწიეს. მიზანი იყო დონეცკისა და ლუგანსკის დმინისტრაციულ საზღვრებთან მიახლოება, რაც არ იქნა მიღწეული.

➖ ხერსონის მიმართულებით მტერმა მიაღწია ხაზს სკადოვსკის, გოლაია პრისტანის, ხერსონის, ნოვაია კახოვკას დასახლებების რაიონებში. აგრძელებს შეტევას ნიკოლაევის მიმართულებით.

გენშტაბი მიუთითებს, რომ რუსული არმიის სამიზნე ხშირად ხდება მშვიდობიანი მოსახლეობა და მშვიდობიანი, საცხოვრებელი დასახლებები.

ირაკლი კობახიძე – მოხალისეების გაგზავნა უკრაინაში ქვეყნის მიერ, სამხედრო კონფლიქტში პირდაპირ ჩართვას ნიშნავს – ამას ჩვენ არ გავაკეთებთ

ზელენსკიმ გაიწვია საქართველოდან უკრაინის ელჩი

საქართველოდან ელჩის გაწვევის მიზეზად ზელენსკიმ დაასახელა : „მოხალისეების არგამოშვება და სანქციებთან დაკავშირებით ამორალური პოზიცია”

ზელენსკის ახალი მიმართვა: ხარკოვის ცენტრალურ მოედანზე რაკეტა აშკარა, დაუფარავი ტერორია. ამის შემდეგ რუსეთი ტერორისტული სახელმწიფოა. არავინ აპატიებს. არავინ დაივიწყებს.

— ევროკავშირის ქვეყნები ცდილობენ პირისპირ პატიოსანი დიალოგისგან თავის დაღწევას, სანქციების გზას ირჩევენ

–  რუსეთისთვის მიუღებელია, რომ აშშ-ს ბირთვული იარაღი ევროპაში იმყოფება, დროა ის სახლში დაბრუნდეს

— რუსეთი მზადაა იმუშაოს შეერთებულ შტატებთან სტრატეგიული სტაბილურობის საკითხებზე

– კიევის ხელისუფლება, რომელმაც დაიწყო საკუთარი ბირთვული იარაღის შექმნა, საფრთხეს უქმნის საერთაშორისო უსაფრთხოებას

– უკრაინის ტრაგედია იქ ჩამოყალიბებული კრიმინალური რეჟიმის დასავლელი პატრონების თანხმობის შედეგია.

ჯო ბაიდენის ადმინისტრაციამ მოუწოდა კრიპტობირჟებს, უზრუნველყონ რუსეთის ფიზიკურ პირებსა და სუბიექტებზე დაწესებული სანქციების შესრულება – სანქციების ქვეშ მოხვედრილებს არ უნდა შეეძლოთ შეზღუდვების გვერდის ავლით ციფრული ვალუტების გამოყენება.

ამის შესახებ გაფრთხილება აშშ-ის მთავრობისგან მიიღეს კრიპტოვალუტის უმსხვილესმა ბირჟებმა – Binance, FTX და Coinbase. Binance-ის წარმომადგენელმა თქვა, რომ ბირჟა არ გეგმავს სავაჭრო პლატფორმაზე წვდომის დახურვას ყველა რუსი მომხმარებლისთვის, თუმცა იმ პირებისთვის, ვინც სანქციების ქვეშაა, დაიხურება. FTX და Coinbase ასევე თანამშრომლობენ აშშ-ს პრეზიდენტის ადმინისტრაციასთან.

უკრაინაში ძალაში შევიდა დადგენილება დროებითი უვიზო რეჟიმის შესახებ უცხოელებისთვის, რომლებიც მიემგზავრებიან უკრაინაში საომარ მოქმედებებში მონაწილეობის მისაღებად, წერენ ადგილობრივი გამოცემები.

უკრაინის სუმის რეგიონის სამხრეთით, ახტირკის რეგიონულ ცენტრში, რუსეთის საზღვართან, 70 უკრაინელი ჯარისკაცი დაიღუპა სამხედრო შენაერთზე საარტილერიო დარტყმის შედეგად.

ამის შესახებ გუბერნატორმა დიმიტრი ჟივიცკიმ ორრშაბათს საღამოს დაწერა, ხოლო სამშაბათს დილით ადგილობრივმა ჟურნალისტმა იგივე გაიმეორა ტელეკომპანია უკრაინა 24-ზე. ჟურნალისტის თქმით, სამხედრო ნაწილის შენობის ნანგრევებიდან გაწმენდა გრძელდება.

დიმიტრი ჟივიცკის თქმით, ბოლო დღეებში ახტირკაში ბრძოლები იყო და “რუსების ბევრი ცხედარი იყო ქუჩაში”, რომელთა რუსეთში გადაგზავნაში უკრაინულ მხარეს წითელი ჯვარი ეხმარება.

unian ავრცელებს კადრებს, სადაც ჩანს, რომ რუსეთის ჯარი ქალაქ ხერსონის ქუჩებში გადაადგილდება.

“ხერსონი მთლიანად ან თითქმის მთლიანად გარშემორტყმულია რუსული ჯარების მიერ.  ყველა მხრიდან ბევრი რუსი ჯარისკაცი და სამხედრო ტექნიკაა, გზაზე აწყობენ საგუშაგოებს“, გადმოსცემს უკრაინა 24-ის

უკრაინელმა ოპერატორებმა დაბლოკეს რუსული ნომრების მქონე ტელეფონებზე წვდომა მათ ქსელში, რაც იმას ნიშნავს, რომ უკრაინის ტერიტორიაზე შემოსულ რუსი სამხედროებს ერთმანეთთან კომუნიკაცია გაუძნელდათ. თუმცა, წერს, კომუნიკაციების სამსახური, საკუთარი ნომრებიდან დარეკვის შესაძლებლობა რომ დაკარგეს, საოკუპაციო ძალები სულ უფრო ხშირად ართმევენ უკრაინელ მოქალაქეებს ტელეფონებს.

“მოვუწოდებთ უკრაინელებს, რომელთაც მობილურები რუსებმა ჩამოართვეს, რაც შეიძლება მალე აცნობონ ოპერატორს და სთხოვონ დაბლოკონ მოპარული ტელეფონი. ეს ძალიან მნიშვნელოვანია” – მოუწოდებს სახელმწიფო უწყება მოქალაქეებს

Maxar Technologies-იმ დააფიქსირა რუსული სამხედრო კოლონა კიევის მისადგომებთან. სატელიტური სურათები აჩვენებს, რომ რუსული სამხედრო კოლონის სიგრძე 64 კმ-ზე მეტია.

რუსული ტექნიკის კოლონა შედგება ჯავშანტექნიკისგან, ტანკებისგან და სხვა ტექნიკისგან. unian

კიევთან, კერძო სამშობიარო საავადმყოფო „ადონისის“ შენობას ჭურვი მოხვდა. “არავინ დაშავებულა, ყველა ევაკუირებულია. ზარალი დიდია, მაგრამ შენობა დგას,” -წერს ფეისბუკზე კლინიკის დირექტორი ვიტალი გირინი. unian

რუსეთის სამხედრო ხელმძღვანელობა გეგმავს ბელარუსის არმიის ჩართვას უკრაინის წინააღმდეგ ომში – უკრაინის გენშტაბი

პოლ მაკარტნიმ უკრაინის მხარდასაჭერად ტვიტი გამოაქვეყნა.

„მახსოვს, როგორ ვუკრავდით მეგობრები უკრაინაში მაიდანზე 2008 წელს და ვფიქრობ მათზე ამ რთულ დროს. ვუგზავნით ჩვენს სიყვარულს და მხარდაჭერას“, – წერს მუსიკოსი.

ორი დღის წინ მან ტვიტერზე ილონ მასკს მიმართა და უკრაინისთვის სტარლინკი – გლობალური ინტერნეტთან წვდომა სთხოვა. მასკმა მალევე უპასუხა – სტრლინკის სერვისი ხელმისაწვდომია უკრაინისთვის, ტერმინალები გზაშია. აი, ტერმინალებიც ჩამოვიდა.

უკრაინაში რუსეთის წინააღმდეგ ბრძოლა გრძელდება.  Live-დღე მეხუთე. 

რუსეთი უკრაინაში შეიჭრა. Live- ომის მეოთხე დღე 

რუსეთი უკრაინაში შეიჭრა. Live- ომის მესამე დღე 

რუსეთი უკრაინაში შეიჭრა Live–ომის მეორე დღე

რუსეთი უკრაინაში შეიჭრა Live– ომის პირველი დღე