კორონავირუსით 45 წლის ქალი გარდაიცვალა საქართველოში

45 წლის ქალი გორის სამხედრო ჰოსპიტალში 29 მარტს შეიყვანეს. მანამდე ის პირველ საუნივერსიტეტო კლინიკაში მკურნალობდა.

8 მაისის მონაცემებით, საქართველოში კორონავირუსით ინფიცირების 623 შემთხვევაა დადასტურებული. კარანტინის რეჟიმშია 4723 ადამიანი, ხოლო სტაციონარში მეთვალყურეობის ქვეშ – 446 პირი. კორონავირუსით ინფიცირებულთაგან 288 გამოჯანმრთელდა და 10 გარდაიცვალა. 

45 წლის ქალს covid-19-თან და ფილტვების ორმხრივ პნევმონიასთან ერთად ჰქონდა თანმხლები ქრონიკული დაავადებები: მაღალი წნევა და სიმსუქნე.

კრიტიკული მდგომარეობის გამო ის რეანიმაციაში იმყოფებოდა. 

• კორონავირუსი უჰანის ლაბორატორიიდან? რაში ადანაშაულებს დასავლეთი ჩინეთს
• როგორ მოიხსნება შეზღუდვები – მთავრობის გეგმა
• კორონავირუსის პირველი სამი დადასტურებული შემთხვევა სამხრეთ ოსეთში
• პანდემია – შანსი მმართველი პარტიისთვის? საუბარი თორნიკე შარაშენიძესთან და კორნელი კაკაჩიასთან

როგორც გორის ჰოსპიტალში აცხადებენ, მკურნალობა მიმდინარეობდა პროტოკოლის მიხედვით. თუმცა, ვირუსის შედეგად გამოწვეული სხვადასხვა გართულების გამო მისი გადარჩენა ვერ მოხერხდა. 

ეს covid-19-ით გარდაცვალების მე-10 შემთხვევაა საქართველოში.