კორონავირუსის 527 ახალი შემთხვევა, 6 გარდაცვლილი. უარესდება ვითარება თბილისში

საქართველოში ბოლო 24 საათის განმავლობაში კორონავირუსის 527 ახალი შემთხვევა გამოვლინდა. გარდაიცვალა 6 პაციენტი.

როგორც ჟურნალისტებს ინფექციური საავადმყოფოს ბოქსირებული განყოფილების ხელმძღვანელმა მარინა ენდელაძემ განუცხადა, ამჟამად ყველაზე საშიში მდგომარეობაა თბილისში, სადაც ბოლო 24 საათში 179 ახალი შემთხვევა გამოვლინდა.

• საქართველოში ინფიცირებულთა რიცხვი საგანგაშოდ იზრდება. რა სტრატეგია აქვს ქვეყანას

• ქომაგობა სტადიონის შესასვლელთან – გირჩის აქცია პანდემიის პირობებში

• აფხაზეთი: ახალი ანტირეკორდი და ფესტივალი პანდემიის შუაგულში

„საბედნიეროდ, აჭარაში შემცირდა რაოდენობა… მაგრამ, სამწუხაროდ თბილისში მოიმატა, გვაქვს – 179 ახალი შემთხვევა“, – განაცხადა ენდელაძემ.

მისი თქმით, „ყველაზე უფრო მეტად საშიში ამჟამად თბილისია. რამენაირად უნდა მოვახერხოთ, რომ დავიცვათ რეგულაციები“.

ოფიციალური სტატისტიკა ასე გამოიყურება:

• კორონავირუსის დადასტურებული შემთხვევა – 10752
• მათ შორის გამოჯანმრთელებული – 5866
• მათ შორის გარდაცვლილი – 72
• კარანტინის რეჟიმში – 5971
• სტაციონარში მეთვალყურეობის ქვეშ – 836
• კოვიდ სასტუმროში მყოფი პირები – 1393
• უცხოეთიდან სამკურნალოდ გადმოყვანილი საქართველოს მოქალაქეები – 41