გასულ წელთან შედარებით, საქართველოში უმუშევრობის მაჩვენებელი შემცირდა - საქსტატი

უმუშევრობის მაჩვენებელი საქართველოში

2022 წლის მეორე კვარტალში, წინა წლის იგივე პერიოდთან შედარებით, საქართველოში უმუშევრობის მაჩვენებელი ოთხი პროცენტით შემცირდა. ეს მაჩვენებელი ახლა 18 პროცენტს შეადგენს.

ეს მონაცემები საქართველოს სტატისტიკის ეროვნულმა სამსახურმა გამოაქვეყნა.

საქართველოში ორნიშნა ინფლაციაა. რა გაძვირდა და ვინ გაღარიბდა ყველაზე მეტად

სამომხმარებლო ფასების ზრდა მრავალ ადამიანს საარსებო წყაროს გარეშე ტოვებს

საქსტატის ინფორმაციით, წინა წლის შესაბამის პერიოდთან შედარებით, 2022 წლის მეორე კვარტალში დაქირავებულთა რაოდენობა 36.2 ათასი კაცით (4.4%) გაიზარდა და 867.9 ათასს მიაღწია. თვითდასაქმებულთა მაჩვენებლმა კი 19.4 ათასით მოიმატა (5.1%) და 401.2 ათასი შეადგინა.

ამავე პერიოდში უმუშევართა რაოდენობა შემცირდა 63.0 ათასით (18.3%) და 281.6 ათასი შეადგინა.

ხოლო, რაც შეეხება მეორე კვარტლის მონაცემების შედარებას პირველ კვარტალთან, 2022 წლის აპრილ -ივნისში, იანვარ-მარტთან შედარებით, დაქირავებულთა რაოდენობა 50.2 ათასი კაცით (6.1%), თვითდასაქმებულთა რაოდენობა კი 18.9 ათასით (4.9%) გაიზარდა. ხოლო უმუშევართა რიცხოვნობა 8.1 ათასით (2.8%) შემცირდა.