"იფიცება საქართველო!“ - დამსაქმებლებისა და დასაქმებულების ნაწილი სამი საათით გაიფიცა. ფოტო და ვიდეო

გაფიცვა საქართველოში

საქართველოში ლოზუნგით – “იფიცება საქართველო!“ დამსაქმებლებისა და დასაქმებულების ნაწილი გაიფიცა.

საყოველთაო გამაფრთხილებელი გაფიცვა 15:00 საათზე დაიწყო და სამი საათის განმავლობაში გაგრძელდა. მას შეუერთდნენ კომპანიები, უნივერსიტეტები, კვების ობიექტები თუ სხვა ბიზნესჯგუფები, მათ შორის ისინი, რომლებიც თავისუფალი ბიზნესების საერთო განცხადებას არ შეუერთდნენ, სადაც პატიმრების გათავისუფლებას და ახალ არჩევნებს ითხოვენ.

შესაბამისად, გაფიცვას შეუერთდნენ ხელისუფლებისადმი ლოიალურად განწყობილი თიბისი ბანკის, ბანკი რესპუბლიკის, ლიბერთი ბანკის, ვისოლ ჯგუფის და სხვა ბიზნესის თანამშრომლებიც.

ლიბერთი ბანკის თანაშრომლების გაფიცვა:

საქართველოს მე-5 პრეზიდენტი, სალომე ზურაბიშვილი საყოველთაო გამაფრთხილებელ გაფიცვას კოსატავას გამზირზე შეუერთდა.

სალომე ზურაბიშვილის თქმით, ეს არის მშვიდობიანი პროტესტის ერთ-ერთი ფორმა.

“მე ვდგავარ ამ ხალხთან ერთად, რომელიც დღეს იფიცება. ეს არის სიახლე ქართულ პოლიტიკაში, მაგრამ ეს არ არის სიახლე მსოფლიო პოლიტიკაში. ეს არის მშვიდობიანი ფორმა პროტესტის“, – განაცხადა სალომე ზურაბიშვილმა.

დოლიძის ქუჩაზე გაფიცულ მოქალაქეებს მოქალაქეთა გარკვეული ჯგუფი თავს დაესხა. ასევე ვრცელდება ვიდეო მასალა, სადაც ჩანს თუ როგორ უსწორდება რამდენიმე პირი ფიზიკურად აქციის მონაწილეს.

ასევე, ვრცელდება ინფორმაცია, რომ დოლიძის ქუჩაზე მყოფ აქციის მონაწილეებს, საცხოვრებელი კორპუსიდან კვერცხებიც დაუშინეს.

ხელისუფლებისადმი ლოიალურად განწყობილი ბიზნესმენის, სოსო ფხაკაძის ვისოლ ჯგუფში შემავალი რესტორნების ქსელი მთელი საქართველოს მასშტაბით გაიფიცა.

TBC ბანკის გაფიცული თანამშრომლები ზებრა გადასასვლელზე სიარულით ცდილობენ გზის გადაკეტვას.

აღმაშენებლის გამზირი, აქცია პერფორმანსი.

გაფიცვის დაწყებიდან მალევე გადაიკეტა რუსთაველის გამზირი.

საქართველოში რამდენიმე წუთით გაიფიცნენ ექიმებიც.

გაიფიცა მაკდონალდსის ქსელი საქართველოში.

მუშაობა შეაჩერა ონლაინ მაღაზია Veli Store-მაც

დაიკეტა ერთ-ერთი უმსხვილესი სავაჭრო ცენტის, ისთ ფოინთის მაღაზიებიც.

თბილისის სამხატვრო აკადემიის სტუდენტებმა უნივერსიტეტის ფოიე დაიკავეს.

გაიფიცა ჩხოროწყუს მუნიციპალიტეტის საკრებულო.

გაიფიცნენ მცირე მეწარმეებიც.

გაიფიცნენ კინოთეატრ კავეას თანამშრომლები.

გაიფიცა კავკასიის უნივერსიტეტი.

გაიფიცნენ სკოლებიც, მათ შორის ნიუტონის თავისუფალი სკოლა და მწვანე სკოლა.

გაიფიცა სილკნეტის სათავო ოფისიც.

გაიფიცნენ “მაგთის” ოფისის თანამშრომლები.

საქართველოს ბანკის გაფიცული თანამშრომლები | ლისის ოფისი.

გაიფიცა სუპერმარკეტების ქსელი ფრესკო.

ინდივიდუალურად იფიცებოდნენ ტაქსის მძღოლებიც:

“ვიკავებთ უნივერსიტეტის შესასვლელებსა და ფოიეს ჩვენი მოთხოვნების დაკმაყოფულებამდე” – ბათუმის ხელოვნების უნივერსიტეტის სტუდენტები გაფიცვას შეუერთდნენ.