სომხეთის პრემიერ-მინისტრმა ნიკოლ ფაშინიანმა ჩეხურ ტელეკომპანია CNN Prima News-თან ინტერვიუში ვრცლად ისაუბრა ყარაბაღის გარშემო ვითარებაზე და ასევე რუსეთთან ურთიერთობაზე.
ინტერვიუმ განსაკუთრებული ყურადღება მიიქცია უკრაინის ომთან დაკავშირებით ფაშინიანის პოზიციის გამო.
პრემიერ-მინისტრმა განაცხადა, რომ სომხეთი მოწყვლად მდგომარეობაშია, რადგან დასავლეთი ქვეყანას რუსეთის მოკავშირედ მიიჩნევს, მეორე მხრივ კი, მოსკოვი ხედავს, რომ ერევანი მხარს არ უჭერს რუსეთს უკრაინის ომში.
CNN Prima News-ის კითხვაზე, როგორია სომხეთის პოზიცია უკრაინის ომზე და რუსეთის აგრესიაზე უკრაინის წინააღმდეგ, ფაშინიანმა უპასუხა:
“თქვენ თქვით, რომ ჩვენ რუსეთის მოკავშირეები ვართ. რა თქმა უნდა, ეს ხმამაღლა არასდროს თქმულა, მაგრამ, ვფიქრობ, ყველასთვის შესამჩნევია: ჩვენ არ ვართ რუსეთის მოკავშირე უკრაინასთან ომში. ჩვენი აღქმა ამ ომის, ამ კონფლიქტის არის შფოთვა, რადგან ის პირდაპირ გავლენას ახდენს ყველას ჩვენს ურთიერთობაზე”.
