დმანისში ოპოზიციის აქტივისტების დაჭრის ფაქტზე "ქართული ოცნების" მაჟორიტარობის კანდიდატის შვილი დააკავეს

შინაგან საქმეთა სამინისტრომ დმანისის მუნიციპალიტეტში „ერთიანი ნაციონალური მოძრაობის“ მხარდამჭერების დაჭრის ფაქტზე მმართველი პარტიის, „ქართული ოცნების“ მაჟორიტარობის კანდიდატის მიხეილ დაუთაშვილის შვილი, 1993 წელს დაბადებული დავით დაუთაშვილი დააკავა.

როგორც შსს-ს ინფორმაციაშია აღნიშნული, ინციდენტი წინასაარჩევნო შეხვედრაზე მოხდა – ბრალდებულმა სიტყვიერი და ფიზიკური დაპირისპირებისას, დანა ჩაარტყა სახეში “ნაციონალური მოძრაობის” მხარდამჭერებს.

აღნიშნული დანაშაული 3-დან 6 წლამდე ვადით თავისუფლების აღკვეთა ითვალისწინებს.

_____________________________________________________________________

21 სექტემბერს, არჩევნებამდე 11 დღით ადრე, დმანისში, მხარდამჭერებთან შესახვედრად მისული ოპოზიციის ორი აქტივისტი დანით დაჭრეს. მათ მძიმე დაზიანებები მიიღეს და სამედიცინო დახმარება დასჭირდათ.