covid-19-ის 18 ახალი შემთხვევა საქართველოში

კორონავირუსით ინფიცირების ახალი შემთხვევები ბოლნისსა და ზუგდიდში გამოვლინდა.

17 მაისის მონაცემებით, საქართველოში კორონავირუსით ინფიცირების 695 შემთხვევაა დადასტურებული. კარანტინის რეჟიმშია 3822 ადამიანი, ხოლო სტაციონარში მეთვალყურეობის ქვეშ – 360 პირი. კორონავირუსით ინფიცირებულთაგან 425 გამოჯანმრთელდა და 12  გარდაიცვალა. 

უცხოეთიდან საქართველოში სამკურნალოდ გადმოყვანილია  კორონავირუსით ინფიცირებული საქართველოს 3 მოქალაქე.

კორონავირუსით დაინფიცირების ახალი შემთხვევები ბოლნისის სოფლებში, გეტასა და მუშევანში და ზუგდიდში დაფიქსირდა.  

ბოლნისის მუნიციპალიტეტში ამ დროისთვის covid-19-ის 145  შემთხვევაა გამოვლენილი. 

• მთავრობის ანტიკრიზისული გეგმა – ვინ რა დახმარებას მიიღებს
• როგორ აპირებს საქართველოს ხელისუფლება სოფლის მეურნეობის გადარჩენას
• თბილისი გაიხსნა, კიდევ რა ამუშავდა 11 მაისიდან. დეტალურად
• 1 ივლისს საქართველოში ტურიზმი თავიდან იწყება? საუბარი მაია სიდამონიძესთან

ზუგდიდში კორონავირუსი დაუდასტურდა 42 წლის მამაკაცს. ის თბილისის ინფექციურ საავადმყოფოში გადაიყვანეს. covid-19 დაუდასტურდა მის დედას და 2 მცირეწლოვან შვილს, რომლებიც კარანტინში იმყოფებოდნენ. სამივე მათგანი რუხის საავადმყოფოში გადაიყვანეს. 

კორონავირუსით ინფიცირების პირველი შემთხვევა საქართველოში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი – საყოველთაო კარანტინის რეჟიმი.