ცხინვალში უკანონო ნადირობა ახალი ბიზნესია? სკანდალი გაგლოევსა და რუს ბლოგერს შორის
სკანდალი გაგლოევსა და რუს ბლოგერს შორის
სამხრეთ ოსეთის ე.წ. პრეზიდენტი ალან გაგლოევი წითელ წიგნში შეტანილი მურა დათვის მკვლელობაშია ეჭვმიტანილი. დაცულ ტერიტორიაზე დათვზე უკანონო ნადირობის შესახებ ცნობილი გახდა ვიდეოდან „უზარმაზარი დათვი ადამიანს თავს დაესხა”, რომელიც რუსმა ბლოგერმა, დმიტრი პანოვმა გამოაქვეყნა.
2023 წლის მარტში პანოვი სამხრეთ ოსეთში ჩავიდა მურა დათვზე სანადიროდ, სადაც შეხვდა ალან გაგლოევს. უფრო სწორად, გაგლოევი პანოვთან მივიდა ეროვნულ ნაკრძალში სანადირო ბაზაზე და მას დღესასწაულზე მაჯის საათი აჩუქა. გაგლოევსა და პანოვს ახლდნენ ნაკრძალის დირექტორი ანატოლი ბესტაევი და კიდევ ერთი მაღალჩინოსანი.
- როგორი იყო ალან გაგლოევის პირველი შეხვედრა პუტინთან და რატომ არიან უკმაყოფილო ცხინვალში
- ცხინვალი: რომელი პრეზიდენტია ჩართული გახმაურებულ მკვლელობაში?
- როგორ არსებობს მცირე ბიზნესი ცხინვალში. ფერმერის ისტორია
ბევრი ვარაუდობს, რომ პრეზიდენტმა გაგლოევმა – რომელიც თავადაც არის მგზნებარე მონადირე – კარგად იცოდა პანოვის მიზნების შესახებ და მას მწვანე შუქი აუნთო ნადირობაზე. კრიმინალურ ისტორიაში ნაკრძალის დირექტორიც მონაწილეობდა. ბოგერის მიერ გამოქვეყნებულ კადრებში ჩანს, თუ როგორ აგდებენ ბორცვიდან დასისხლიანებული დათვის ცხედარს, იღებენ სელფს, შემდეგ კი გვამს ჭრიან.
ზუსტად არ ჩანს, ვინ ისროლა. ვიდეოში, ერთ-ერთი ადგილობრივი მონადირე, რომელიც პანოვს თან ახლდა, ამტკიცებს, რომ სწორედ მან ესროლა დათვს, რომელიც, სავარაუდოდ, მასზე თავდასხმას ცდილობდა.
უცნობია, რამდენი ასეთი შემთხვევა მოხდა სამხრეთ ოსეთის ნაკრძალში გაგლოევის პრეზიდენტობის დროს, იმის გათვალისწინებით, რომ ნადირობის ყველა მოყვარული არ აქვეყნებს ვიდეოებს ინტერნეტში დუმან როგორც ადგილობრივი ეკოლოგები, ისე აქტივისტები.
გამონაკლისი იყო არასამთავრობო ორგანიზაცია “Green Alania”, რომელმაც გენერალურ პროკურატურას ბლოგერის ქმედებების სამართლებრივი შეფასება სთხოვა. თუმცა, ამ შემთხვევაშიც, ორგანიზაციის ხელმძღვანელი ზალინა გაბაიტი ყველანაირად ცდილობს ყურადღების გადატანას რუს ვიდეობლოგერზე და არა გაგლოევზე.
რა უპასუხა პრკორატურამ, ამ ეტაპზე უცნობია.
სამხრეთ ოსეთში ნადირობის ლიცენზიას გასცემს ეკოლოგიისა და ბუნების მართვის კომიტეტი. არსებობდა თუ არა ამ შემთხვევაში ასეთი ლიცენზია, გასარკვევია. მაგრამ აშკარაა, რომ სამხრეთ ოსეთში ახალი ტიპის ბიზნესი – ნადირობის ტურიზმი დაიწყო.
სტატია მომზადებულია ცხინვალის რედაქციის მიერ და პროექტის პირობების თანახმად, დაბეჭდილია უცვლელად.ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
