ცხინვალის პარლამენტის წევრი სამოქალაქო აქტივისტ თამარ მეარაყიშვილს თავს დაესხა
დეპუტატი აქტივისტ თამარა მეარაყიშვილს თავს დაესხა
ე.წ. სამხრეთ ოსეთში სამოქალაქო აქტივისტმა თამარ მეარაყიშვილმა პოლიციაში საჩივარი შეიტანა ე.წ. პარლამენტის წევრ ზაზა დრააევზე, რომელი მმართველი პარტიის წევრია. აქტივისტი დეპუტატს თავდასხმაში ადანაშაულებს.
“დრიაევმა გამოიყენა ფიზიკური ძალადობა, გამომტაცა ტელეფონი და გადააგდო, ასევე ბინძური სიტყვებით მაყენებდა შეურაცხყოფას და მემუქრებოდა“, – ამბობს თამარ მეარაყიშვილი.
დეპუტატსა და აქტივისტს შორის კონფლიქტი დიდი ხანია გრძელდება. ზაზა დრიაევი ორჯერ აირჩიეს პარლამენტის დეპუტატად სოფელ ლენინგორიდან, საიდანაც თამარ მეარაყიშვილია. დეპუტატობამდე დრიაევი ხელმძღვანელობდა ლენინგორსკის რაიონის ადმინისტრაციას და მას ხშირად აკრიტიკებდნენ აქტივისტები. დეპუტატმა, თავის მხრივ, მეარაყიშვილს “ოსი ხალხის მტერი” უწოდა.
როგორც JAMnews-ს თვითმხილველებმა განუცხადეს, 20 დეკემბერს საღამოს, მეარაყიშვილი ცხინვალში ქუჩაში დრიაევს შეხვდა, მიუახლოვდა და ჰკითხა, რატომ ავრცელებდა მასზე ჭორებს. მაგრამ იმის მაგივრად, რომ დეპუტატს აეხსნა, მან მეარაყიშვილს შეაგინა და ტელეფონი წაართვა.
სამხრეთ ოსეთის სამართალდამცავი ორგანოების წყაროებმა განმარტეს, რომ დეპუტატის ქმედება კვალიფიცირებულია რუსეთის ფედერაციის სისხლის სამართლის კოდექსის 129-ე მუხლით, რაც “ადამიანის შეურაცხყოფას“ გულისხმობს:
„დაზიანებები, როგორც ასეთი, არ ყოფილა. შინაგან საქმეთა სამინისტრომ მისი განცხადება გენერალურ პროკურატურას უნდა გადააგზავნოს.”
- ცხინვალში კიდევ ერთი გახმაურებულ საქმეში ბრალდებული უკრაინაში საბრძოლველად წავა
- ცხინვალში გენერალურმა პროკურორმა ყოფილ პროკურორს Telegram-ზე პოსტის გამო სცემა
დაზარალებული გენერალურ პროკურატურაში მორიგი განცხადების შეტანას აპირებს, თუმცა მის წრეს მომხდარის ობიექტური გამოძიების იმედი არ აქვს.
სტატია მომზადებულია ცხინვალის რედაქციის მიერ და პროექტის პირობების თანახმად, დაბეჭდილია უცვლელად.ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
