მოძრაობა "ჩვენი ბიჭვინთის" ჟურნალისტს და აქტივისტს აფხაზეთში სცემეს. ისინი ამბობენ, რომ მათ დაშინებას ცდილობენ
ჟურნალისტი და აქტივისტი ხარახ პიცუნდა აფხაზეთში სცემეს
აფხაზეთში 15 სექტემბერს საღამოს თავს დაესხნენ ჟურნალისტს, ტელეგრამ-არხის „აფხაზ პორტალის“ ადმინისტრატორს დავით გობეჩიას და ახალგაზრდულ მოძრაობა “ჩვენი ბიჭვინთის” წევრს, ლია აგრბას. ისინი მსუბუქი დაზიანებებით საავადმყოფოში გადაიყვანეს.
მათი თქმით, თავდასხმა დაშინების მიზნით მოხდა.
შემთხვევა სოხუმის გარეუბანში მოხდა. დავით გობეჩია და ლია აგრბა მანქანაში ისხდნენ, როდესაც მოულოდნელად ოთხი ნიღბიანი მამაკაცი გამოჩნდა და მანქანაში მსხდომებს სცემა.
თავდაპირველად მათ გამოიყენეს გაზის სპრეი, ამის შემდეგ კი დაიწყესხელის დარტყმა და ცემა. ერთ-ერთმა თავდამსხმელმა ყველაფერი ტელეფონით გადაიღო.
დაშავებულები თვალის კლინიკაში გადაიყვანეს, სადაც მათ სამედიცინო დახმარება გაუწიეს.
დავით გობეჩია ამბობს, რომ თავდამსხმელები ვერცხლისფერი Toyota-Mark X-ით მოძრაობდნენ დაბურული შუშებით.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
