უკვე მესამე დღეა მაშველები და მოხალისეები მთელი აფხაზეთის მასშტაბით ეძებენ 4 წლის ალექსანდრე ვაკულიჩს, რომელიც გეგსკის ჩანჩქერთან მდინარეში ჩავარდა. კერძო კომპანიამ ამ მიზნით დრონები გამოყო, თუმცა ამ დროისთვის არც სახმელეთო ძიებას და არც მდინარე გეგას ჰაერიდან მონიტორინგს არაფერი მოჰყოლია. ალექსანდრე ბელარუსი ტურისტების შვილია. ტრაგიკული შემთხვევა გასულ შაბათს, 17 ივნისს მოხდა.
ვაკულიჩის ოჯახი – ქმარი, ცოლი და ორი შვილი – გეგსკის ჩანჩქერთან ექსკურსიაზე იმყოფებოდნენ, იქვე მდებარე პატარა ხიდზე, მდინარესთან. მშობლებმა ბავშვი ამ ხიდზე დასვეს სურათის გადასაღებად, მაგრამ ბავშვმა წინააღმდეგობას ვერ გაუძლო და წყალში ჩავარდა. დედა ბავშვთან ერთად გადახტა, მაგრამ მისი გადარჩენა ვერ შეძლო. ქალის ნაპირზე გამოყვანა მოასწრეს, ბიჭი კი დინებამ გაიტაცა.
სოციალურ ქსელებში მოსახლეობა ხელისუფლებას ტურისტულ ადგილებზე უსაფრთხოების ზომებისადმი სერიოზული ყურადღებისკენ მოუწოდებენ.
სხვები ტურისტებს უყურადღებობაში ადანაშაულებენ და თვლიან, რომ ტურისტულმა და საექსკურსიო კომპანიებმა მკაფიოდ უნდა აუხსნან მნახველებს, როგორ მოიქცნენ მთაში და რა „საფრთხეები იმალება ამ სილამაზის მიღმა“.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად.
ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
