ნურლანა ახმედოვა პოლიციელია. გარდაბანში, სადაც ის დაიბადა და გაიზარდა, ქალი პოლიციელი განსაკუთრებული მოვლენაა. ეთნიკური აზერბაიჯანელებით დასახლებულ საქართველოს ამ ქალაქში ნურლანას ყველა იცნობს. მას იცნობენ ბავშვებიც, რომლებსაც ნურლანა ღია გაკვეთილებს უტარებს და ოჯახურ ძალადობაზე ესაუბრება. ნურლანას ოცნებაა, რომ არასოდეს არც ერთი ქალი ძალადობის მსხვერპლი არ გახდეს.
