ქართველმა რაგბისტებმა რუსეთის ნაკრები დაამარცხეს

დღეს რაგბიში საქართველოსა და რუსეთის ნაკრებებს შორის შეხვედრა ბორჯღალოსნების გამარჯვებით 16:7 დასრულდა.

ეს იყო ტურნირის – “რაგბი ევროპა 2020”-ის ბოლო შეხვედრა.

მატჩი ზუსტად ერთი წლის წინ, 2020 წლის გაზაფხულზე უნდა გამართულიყო, თუმცა კორონავირუსის პანდემიის გამო გადაიდო.

დღევანდელი შეხვედრამ გულშემატკივრების გარეშე ჩაიარა.

პირველი ტაიმი 0: 0 დასრულდა, თუმცა მეორე ნახევარში ქართველებმა შეძლეს უპირატესობის მოპოვება და “რაგბი ევროპა 2020”-ის გამარჯვებულები გახდნენ.

ტრადიციულად, საქართველო რუსეთის ნაკრებისთვის უხერხული მეტოქეა. 1993 წლიდან დღემდე რუსეთის ნაკრებმა მხოლოდ ერთი მატჩი მოუგო ქართველ ბორჯღალოსნებს.