„საქართველო ივანიშვილის ერთპარტიული მმართველობის წინააღმდეგ!”- ვიდეო ბლოგების სერიიდან "პროტესტი საქართველოში"
ტრადიციული შაბათის მარში
კვლავ ასობით ადამიანი შეიკრიბა საქართველოს დედაქალაქში, თბილისში, 24 ოქტომბერს, ტრადიციულ “შაბათის მარშზე”.
შაბათის მარშის მთავარი გზავნილი ქვეყანაში მიმდინარე ყველაზე მნიშვნელოვან მოვლენას ეხმიანებოდა – ოპოზიციური პარტიების აკრძალვის თემას.
პროტესტი საქართველოში. ყველა ვიდეო უკვე სამი დღეა, საქართველოს საკონსტიტუციო სასამართლო, “ქართული ოცნების” სარჩელის საფუძველზე, ხუთი ოპოციზიური პარტიის არაკონსტიტუციურად გამოცხადების საქმეს განიხილავს.
ამიტომ, „საქართველო ივანიშვილის ერთპარტიული მმართველობის წინააღმდეგ!” – ეს იყო მონაწილეების მთავარი გზავნილი დღეს.
დღევანდელი მარში გამორჩეულად ხალხმრავალი და ემოციური იყო. ფრიალებდა საქართველოს, უკრაინისა და ევროკავშირის დროშები. შემხვედრი მანქანებიდან კი აქციის მონაწილეებს გაბმული საყვირებით ესალმებოდნენ.
თითქმის ორი წელია საქართველოში უწყვეტი საპროტესტო აქციები მიმდინარეობს. აქციის მონაწილეები ყოველ საღამოს იკრიბებიან ქვეყნის დედაქალაქში, თბილისსა და საქართველოს რამდენიმე პატარა ქალაქში.
აქციების მიმდინარეობისას ათობით ადამიანი დააკავეს. ბევრ მათგანს სისხლის სამართლის ბრალდება წაუყენეს და პატიმრობა მიუსაჯეს. პირველად, დამოუკიდებელი საქართველოს ისტორიაში, გვყავს 150-მდე სინდისის პატიმარი, მათ შორის ქალები. დაპატიმრებულია გამოცემების “ბათუმელებისა” და “ნეტგაზეთის” დამფუძნებელი, მზია ამაღლობელი. მას ორწლიანი პატიმრობა აქვს მისჯილი პოლიციელისთვის სილის გაწვნის ფაქტზე.
აქციის მონაწილეები ითხოვენ გათავისუფლდეს ყველა პოლიტიკური პატიმარი, დაინიშნოს ახალი საპარლამენტო არჩევნები და გაუქმდეს ყველა ის ანტიდემოკრატიული კანონი, რაც ბოლო ორ წელიწადში მიიღო “ქართულმა ოცნებამ”.
პროტესტის ჩასახშობად, “ქართული ოცნება” სულ უფრო ამკაცრებს რეპრესიებს სამოქალაქო საზოგადოებისა და მედიის წინააღმდეგ. თუმცა, უწყვეტი პროტესტი, სხვადასხვა ფორმით, დღემდე გრძელდება.
ტრადიციული შაბათის მარში
