შაბათის მარში "სინდისის პატიმრების მხარდასაჭერად". ფოტოები ბლოგების სერიიდან „პროტესტი საქართველოში“
შაბათის მარში საქართველოში
პროტესტის 584-ე დღეს ტრადიციული შაბათის მარში კიდევ ერთხელ მიეძღვნა “სინდისის პატიმარ ქალებს”.
„ერთად სინდისის პატიმარი ქალების თავისუფლებისთვის” – ამ გზავნილით აქციის მონაწილეებმა, ფილარმონიიდან პარლამენტამდე, ტრადიციული მსვლელობა მოაწყვეს.
პროტესტი საქართველოში. ყველა ვიდეო პროტესტის მონაწილეებმა დღესვე მსვლელობა აშშ-ს დამოუკიდებლობის დღეს მიუძღვნეს. ამერიკის შეერთებული შტატები 4 ივლისს დამოუკიდებლობის 250 წლისთავს აღნიშნავს. მსვლელობის მონაწილეებმა რუსთაველზე საქართველოს და ამერიკის დროშები გაშალეს
ერთ წელზე მეტია საქართველოში უწყვეტი საპროტესტო აქციები მიმდინარეობს. აქციის მონაწილეები ყოველ საღამოს იკრიბებიან ქვეყნის დედაქალაქში, თბილისსა და საქართველოს რამდენიმე პატარა ქალაქში.
აქციების მიმდინარეობისას ათობით ადამიანი დააკავეს. ბევრ მათგანს სისხლის სამართლის ბრალდება წაუყენეს და პატიმრობა მიუსაჯეს. პირველად, დამოუკიდებელი საქართველოს ისტორიაში, გვყავს 150-მდე სინდისის პატიმარი, მათ შორის ქალები. დაპატიმრებულია გამოცემების “ბათუმელებისა” და “ნეტგაზეთის” დამფუძნებელი, მზია ამაღლობელი. მას ორწლიანი პატიმრობა აქვს მისჯილი პოლიციელისთვის სილის გაწვნის ფაქტზე.
აქციის მონაწილეები ითხოვენ გათავისუფლდეს ყველა პოლიტიკური პატიმარი, დაინიშნოს ახალი საპარლამენტო არჩევნები და გაუქმდეს ყველა ის ანტიდემოკრატიული კანონი, რაც ბოლო ორ წელიწადში მიიღო “ქართულმა ოცნებამ”.
პროტესტის ჩასახშობად, “ქართული ოცნება” სულ უფრო ამკაცრებს რეპრესიებს სამოქალაქო საზოგადოებისა და მედიის წინააღმდეგ. თუმცა, უწყვეტი პროტესტი, სხვადასხვა ფორმით, დღემდე გრძელდება.
