ვალერი ბგანბა პუტინს სთხოვს, დაიცვას "რესპუბლიკა" რუსული მედიის თავდასხმებისგან
ბგანბას წერილი პუტინს
აფხაზეთის პრეზიდენტის მოვალეობის შემსრულებელმა, ვალერი ბგანბამ, ვლადიმირ პუტინს მიმართა თხოვნით, დაიცვას “რესპუბლიკა” რუსული მედიის თავდასხმებისგან. მისი თქმით, რუსული მედია აქტიურად ერევა აფხაზეთის საარჩევნო პროცესში და პრეზიდენტობის კანდიდატებს ყოფს „პრორუსებად“ და „ანტირუსებად“.
აფხაზეთში ვადამდელი საპრეზიდენტო არჩევნები 15 თებერვალს გაიმართება.
ბგანბა მიუთითებს, რომ ნარატივი, თითქოს აფხაზეთში არსებობს პოლიტიკური ძალები, რომლებიც რუსეთს ეწინააღმდეგებიან, ერთი წლის წინ წამოიწყო ყოფილმა პრეზიდენტმა ასლან ბჟანიამ. მისი მმართველობის დროს აქტიურად ლობირდებოდა კანონი, რომელიც რუსებს უფლებას მისცემდა, აფხაზეთში ბინები შეეძინათ და აეშენებინათ, თუმცა ეს ინიციატივა ადგილობრივ საზოგადოებაში უკიდურესად არაპოპულარული იყო. ამასთან, ბჟანია ცდილობდა რუსული ინვესტიციების შესახებ შეთანხმების გაფორმებას, რამაც პოლიტიკური დაძაბულობა კიდევ უფრო გაამწვავა.
გადამწყვეტი მომენტი 2024 წლის 15 ნოემბერს დადგა, როდესაც აქციის მონაწილეები აფხაზეთის მთავრობის შენობის კომპლექსში შეიჭრნენ, რის შემდეგაც ბჟანია იძულებული გახდა, ვადამდე გადამდგარიყო. მოგვიანებით, რუსულ მედიასთან ინტერვიუში მან განაცხადა, რომ გადატრიალება უცხოური სპეცსამსახურების მხარდაჭერის გარეშე ვერ მოხდებოდა.
ბჟანია აღარ მიიღებს მონაწილეობას 2025 წლის 15 თებერვალს დაგეგმილ საპრეზიდენტო არჩევნებში. მმართველ პარტიას წარმოადგენს ვიცე-პრეზიდენტი ბადრა გუნბა, რომელსაც მოსკოვში მხარდაჭერას უცხადებენ. მისი მთავარი ოპონენტი ოპოზიციის ლიდერი ადგურ არძინბაა, რომელსაც რუსული მედია „ანტირუს პოლიტიკოსად“ და „პროთურქული ორიენტაციის მქონედ“ წარმოაჩენს.
ბგანბას ღია წერილი პუტინს
ვლადიმირ პუტინისთვის გაგზავნილ ღია წერილში ბგანბა აღნიშნავს:
„[აფხაზეთის] პრეზიდენტობის ყველა კანდიდატი ერთხმად უჭერს მხარს რუსეთის ფედერაციასთან ძმური ურთიერთობების განმტკიცებას. ამ საკითხზე ჩვენს საზოგადოებაში მტკიცე კონსენსუსია, რომელიც არჩევნების შედეგების მიუხედავად უცვლელი დარჩება.
საარჩევნო პროცესის ყველა მონაწილე აცნობიერებს, რომ რუსეთთან მეგობრობა და მჭიდრო თანამშრომლობა ჩვენი ქვეყნის სტაბილურობისა და უსაფრთხოების გარანტიაა.“
ბგანბას განცხადებით, ზოგიერთი რუსული მედია „საკმარისი საფუძვლის გარეშე აცხადებს, რომ აფხაზეთში არიან ძალები, რომლებიც რუსეთთან ურთიერთობების შერყევას ცდილობენ“.
„კანდიდატების „პრორუსებად“ და „ანტირუსებად“ დაყოფის მცდელობა ქმნის დამახინჯებულ სურათს და შესაძლოა, უარყოფითად იმოქმედოს აფხაზურ-რუსულ ურთიერთობებზე,“ – წერს ბგანბა.
ის პუტინს სთხოვს, დაეხმაროს პროცესების იმგვარად მართვაში, რომ არ დაზარალდეს აფხაზეთსა და რუსეთს შორის ხანგრძლივი მეგობრული კავშირი.
რუსი პოლიტოლოგის რეაქცია
რუსმა პოლიტოლოგმა სერგეი მარკედონოვმა სიტუაციას ტელეგრამის საკუთარ არხზე გამოეხმაურა. მისი თქმით, ბგანბას პრეტენზიები სამართლიანია და აღნიშნა, რომ:
„არც ერთი სახელმწიფო დეპარტამენტი ან CIA ქართულ სპეცსამსახურებთან ერთად ვერ მიაყენებს აფხაზეთს ისეთ ზიანს, როგორსაც ზოგიერთი რუსი ჟურნალისტი.“
მარკედონოვი ასევე აღნიშნავს, რომ ზოგიერთ რუსულ მედიასაშუალებაში აფხაზეთის ლიდერების სახელებიც კი ერევათ, რაც მათ უცოდინარობასა და ქედმაღლობაზე მიუთითებს.
ნარატივი იმის შესახებ, რომ აფხაზეთში არის გარკვეული პოლიტიკური ძალები, რომლებიც რუსეთს ეწინააღმდეგებიან, ერთი წლის წინ წამოიწყო ახლა უკვე ყოფილმა პრეზიდენტმა ასლან ბჟანიამ. აქტიურად ლობირებდა კანონს, რომელიც უკიდურესად არაპოპულარულია აფხაზურ საზოგადოებაში, რომელიც რუსებს აძლევდა საშუალებას აეშენებინათ და იყიდონ ბინები აფხაზეთში, ბჟანიამ დაიწყო პოლიტიკოსების, რომლებიც ამ კანონის წინააღმდეგი არიან, რუსეთის წინააღმდეგ წარმოადგინონ.
სიტუაცია კიდევ უფრო გაუარესდა მას შემდეგ, რაც ბჟანიამ სცადა აფხაზეთში რუსული ინვესტიციების შესახებ შეთანხმების გაფორმება. ეს მას პრეზიდენტობა დაუჯდა – 2024 წლის 15 ნოემბერს აქციის მონაწილეები მთავრობის შენობის კომპლექსში შეიჭრნენ და ასლან ბჟანია იძულებული გახდა ვადამდე გადამდგარიყო. რუსულ მედიასთან ინტერვიუში მან განაცხადა, რომ გადატრიალება არ მომხდარა უცხოური სპეცსამსახურების დახმარების გარეშე.
ბჟანია 2025 წლის 15 თებერვალს დაგეგმილ საპრეზიდენტო არჩევნებში არ მონაწილეობს. მმართველ პარტიას წარმოადგენს ვიცე პრეზიდენტი ბადრა გუნბა. სწორედ ამის იმედი აქვთ ახლა მოსკოვში. ხოლო მისი მთავარი ოპონენტი პრეზიდენტობისთვის ბრძოლაში, ოპოზიციის ერთ-ერთი ლიდერი, ადგურ არძინბა, რუსული მედიის მიერ წარმოდგენილია როგორც „ანტირუსი პოლიტიკოსი პროთურქული ორიენტაციის მქონე“.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
