სომხეთი: 52-მა კანდიდატმა საპარლამენტო არჩევნებში მონაწილეობაზე უარი განაცხადა
ცენტრალურმა საარჩევნო კომისიამ განაცხადა, რომ დასრულდა კანდიდტების, პარტიების, ბლოკებისა და ბლოკებში შემავალი პარტიების მიერ კანდიდატურების მოხსნაზე შეტანილი განცხადებების მიღება. დადგენილ ვადებში კანდიდტურის მოხსნის შესახებ განცხადება დეპუტატობის 52-მა კანდიდატმა შეიტანა.
ცენტრალური საარჩევნო კომისია ასევე იუწყება, რომ საარჩევნო ბიულეტენების ნიმუშები უკვე დამტკიცებულია და დასაბეჭდადაა გაგზავნილი გამომცემლობა „ტიგრან მეც“-ში. დამკვირვებლებს, ნდობით აღჭურვილ პირებსა და მასობრივი საინფორმაციო საშუალებების წარმომადგენლებს შეუძლიათ ბეჭდვის მთელ პროცესს დააკვირდნენ.
ამ არჩევნებზე მოხდება ასევე ხმის ელექტრონულად მიცემა. მასში მონაწილეობის მიღება 877 ადამიანს შეუძლია. ახალი საარჩევნო კოდექსის მიხედვით, ქვეყნის დილომატიური კორპუსის წარმომადგენლებს, რომელბსაც არჩევნების დღეს არ შეეძლებათ სომხეთში ყოფნა, ასევე მათი ოჯახების წევრებს, რომლებიც ამჯერად მათთან ერთად საზღვარგარეთ ცხოვრობენ, „შეუძლიათ არჩევნებში მონაწილეობა ხმის ელექტრონულად მიცემის საშუალებით მიიღონ… არაუგვიანეს არჩევნების დღემდე ხუთი დღით ადრე“.
ხმის ელექტრონულად მიცემა დღეს, 2017 წლის 24 მარტს, ერევნის დროით 08:00-დან დაიწყო, და 26 მარტს 20:00 დასრულდება.
